Aiseya 43:24 - ALLALA KUMƐ

²⁴ woletɔ ma sa isɛnti sanna a ye tun. Ma sa a wasa-koenu kɛla ka to sogo-kɛɛn dila a ma. Kɔnɔ ma ara to ma hakɛ-dunɛnu sala a kuma. A ko ma ara to ko-yogomɛnu sigila a kuma min kɛ, wo ara a labandan.

Aiseya 43:24 ပူးပေါင်းရင်းမြစ်များ

Yaburi 95:10

Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

Bɔ-Koe-Iyipiti 30:34

Mari ya a fɔ Musa ye ko, “I ni fen-suma-diyama nani bi, sitakate wo, ɔnikiya wo, kalibanan wo, anubɛ farankinsɛnsi-sɛnimɛ. Anu kelen-kelennamɛ-bɛɛsi suman-nya ra ni kɛnya.

Bɔ-Koe-Iyipiti 30:7

“Aruna ni isɛnti mintan a mintan tinɛ kuma. A tenbi lɛnpu ladufenna sɔgɔma, a ni isɛnti mintan wo wati rɔ.

Aiseya 1:14

Wola Karɛ-Kurɛ-Ladiyɛ anubɛ wola ladiya-gbɛrɛkɛnu, a ko wonu ma di a ye tun mumɛ, bawo a ara bandan wonu na.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Isikiyɛli 16:43

N ya i bira nya min, wo tumɛ i dɔgɔ, i wara nyina wo la. I ya n yisi-tinya-koe gbansan le ladan. Woletɔ n bara i sara ila ko-yogomɛ bɛɛla ko la. Nfenna i ya yɛlɛnya-koenu sa i sɔn-yogomɛnu kuma? Nde, i Tigi Mari kan le kɛ la.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Saraka-Masɔlɛnuta Tɔnnu 3:16

Saraka-masɔlɛ si wonu bi ka anu mintan gburr! Wonu mintan-sumɛ si a diya don Mari rɔ. A kɛɛn mumɛ, Maritɛ le.

Saraka-Masɔlɛnuta Tɔnnu 4:31

A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenu saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Emɔsi 2:13

Mari ko a si wo digin dugu la ha wo ni kurun iko dunu-bilɛ wa dunɛ bi, a ti min nɔ.

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.