Aiseya 43:23 - ALLALA KUMƐ

²³ A ko ma ara ma ban nala saraka-sagɛnu na minnu bi mintanna a ye. Ma ma sɔn a gbiliyala sarakɛnu na tun. A ko ale ma dunu sa ma kuma ka to ma manyinikala sɔli-fannuna ko ma. A ma to ma fɔrɔsɛla isɛnti mintan ko ma ka ma labandan wola ko la,

Aiseya 43:23 ပူးပေါင်းရင်းမြစ်များ

Nihɛmaya 13:10

Wo kɔma, n nara to a lɔnna fanan ko Bato-Bon-fɔli-kɛlɛnubɛ anu Lifayi donu bara Yerusalɛm boloka ka ta sɛni sa tinɛ. Anu ya wo ma bawo mɔgɛnu sa anu niyi dila anu ma.

Bɔ-Koe-Iyipiti 30:34

Mari ya a fɔ Musa ye ko, “I ni fen-suma-diyama nani bi, sitakate wo, ɔnikiya wo, kalibanan wo, anubɛ farankinsɛnsi-sɛnimɛ. Anu kelen-kelennamɛ-bɛɛsi suman-nya ra ni kɛnya.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Hɛnkilimaya-Kumɛnu 3:9

I ni to kɔ-fen-nyimɛnu bila ila sɛni-hakikɛ rɔ ka Mari gbiliya wonu na.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Yɛrɛmaya 7:21

Mari Sɛnbɛ-Bɛɛ-Tigi kan le kɛ la. A ko Isirɛlata Alla le ale la kɔnɔ a ti wola sarakɛnu bira. A ko wo ni ta wola mintan-sarakɛ bɛɛ ma dɔntɛ la duk! Hali a ma bɛn, wo ni sarakɛ minnu dɔn, wo ni wo buyi lafa saraka-soge wonu na pen, bawo a sa wonu birala wo bolo.

Yɛrɛmaya 7:22

A ko alele nara wo benbanu na ka bɔ Iyipiti nyamanɛ rɔ. A kumara anu ye tumɛ min, a ma saraka-mintan-ko-tɔn dɔrɔn di anu ma.

Saraka-Masɔlɛnuta Tɔnnu 2:1

“Fenfen min si ma dɛgɛ la, mɔgɔ tenbi wo mala sarakɛ la Mari ye, fɔ ni a mara dɛgɛ-munku-hakikɛ la. Yanni a ni a di saraka-masɔlɛ ma, a si a yabasan tuli la ka isɛnti sa a kuma.

Saraka-Masɔlɛnuta Tɔnnu 24:7

Wo si isɛnti fanan sigi biredi-ladɛnnɛ wonu tɔnkɔn rɔ. Sulen-Tele wo Sulen-Tele, wo si biredi kɛnu kunka isɛnti kɛ la nde, Mari ye ka isɛnti mintan tɛ rɔ. A si ma worɔ iko wo ara biredi kɛnu denu mintan nde, Mari ye.

Emɔsi 5:25

“Wole Isirɛla mɔgɛnu, Mari ko wo ye wulɛ rɔ san bi-nani kɔrɔ tumɛ min, wo ya wola sarakɛnu anubɛ kɔ-fan minnu di Mari ma, wo ma anu di a ma wo yisi bɛɛ la.

Maika 6:3

Wole Marita mɔgɛnu, Mari ko a ya nfen ma wole la? A ya wo niyi ragbɛrɛn wo ma nya min, wo ni wo fɔ.

Malakayi 3:8

Kɔnɔ Alla ye wo manyinikala ko a bɛnnɛ mɔgɛ ni ale Alla kensun, wa? Wo ma telen kɔnɔ a ko wo ye a kensunna. Wole ye a fɔla ko, “Ma ye a kensunyala kama?” A ko wo ye a kensunna yakanu anubɛ kɔ-fannu tɔ.

Matiyu 11:30

N si dunɛ min di wo ma, a ma gbili, ado n si dunɛ min sa wo kuma, wo fɛ kati!”