Aiseya 43:18 - ALLALA KUMƐ

¹⁸ Kɔnɔ Mari ko ma kana ma dun ko-tenbinɛnu na. Ma yili kana to ko-tenbini-kɔrɛnu dɔrɔn ko.

Aiseya 43:18 ပူးပေါင်းရင်းမြစ်များ

1 Ko-Kɔrɔta-Karan 16:12

Wole Yakoba kegeyɛnu, Alla ara wole min yabɔ ka ata wɔlɛ kɛ, wo ni wo miri kabana-koenu ma Alla ara minnu ma wo ye. A ara ala kiti-tɛgɛ-telennɛ minnu sa wo ye, wo ni wo miri wonu ma fanan.

Aiseya 46:9

Mari ko koe minnu bara tenbi nun kɔrɔma la, wo ni wo hɛnkili lamiri wonu ma de! Wo ni a lɔn yati, ko ale le kelen pe ye Allayɛ la. A nyɔgɔn-takɛn sa de!

Aiseya 65:17

Mari ko a si san-kolo-kurɛ anubɛ dugu-kolo-kurɛ dan. A ko mɔgɛ ti a miri a kɔrɔmɛnu ma tun. Anu yili ti to anu ko tun.

2 Kɔrɛnti 3:10

Tɔn-kɔrɔmɛ wo gbiliyanɛ, tonyɛ le kɔnɔ wota gbiliyɛ wa sanka mata kila-kurɛ kɛ ma, gbiliyɛ min makawanɛ nun fɔlɔ, wo ara tenbi ka ban fɛsɛfɛsɛ,

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.