Aiseya 43:15 - ALLALA KUMƐ

¹⁵ A ko mata Mari Alla-sɛnimɛ le ale la. A ko ale le ya male Isirɛla mɔgɛnu dan ka ma mala mansɛ la.

Aiseya 43:15 ပူးပေါင်းရင်းမြစ်များ

Yaburi 149:2

Wole Isirɛla mɔgɛnu ni sewa ka a tɛgɛ wo Dali-Mari ma. Wole Yerusalɛm kɛnu ni sewa wola san-kolo-mansayɛla ko la.

Yaburi 74:12

E, Alla, kebi fɔlɔ, ile ye mansayɛ la ma kun na. I wara ma latanka siyaman kɛ duninya kɛ rɔ.

Aiseya 30:11

I bɔ ma lagbaranna. Ma sa nyinina ita Isirɛla mɔgɛnuta Alla-sɛnimɛ wara-koe ma.”

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 33:22

Fenfen ma kulun-matelen-fannu na. Kurɛ min si kulɔn lata, wonu ta ma fulen. Ma si ma yogenu bolo-fannu toronde anu na. Wo si siyaya ma bolo, hali namarɛnu si do sɔrɔn anu tɔ. Mari nyɛrɛ si ma mala mansɛ la. Ale si ma lamara ka ma lakanan.

Aiseya 40:25

Mɔgɛ si Alla-sɛnimɛ sanka fan mintan ma? A nyɔgɔn ye nyɔ?

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 41:20

Mɔgɛnu ba wo yen, anu si a fɔ ko fɔ Mari le wara kɛ ma. Anu si na a lɔn wo rɔ ko Isirɛlata Mari-sɛnimɛ le wara kɛ ma ka.

Aiseya 41:21

Mari, Isirɛlata mansɛ, kɔni, wo le wara kɛ fɔ. “Wole sibolo-gbɛrɛ-bɛsɛnu, wo ni wo rabɛn kitila ko la. Wo na wola sɔsɔli-sala-dɛgbɛnu na wo bolo.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:21

Ata mɔgɔ-dannɛ le male Isirɛla mɔgɛnu na, ado ma ni to a matɔgɔ-siginu sala.

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Aiseya 43:7

A halalɛ le male la, ado a ya ma dan a gbiliya-koe le la.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 45:11

Isirɛlata Mari Alla-sɛnimɛ, yarɔ-koenu mabɛnnɛ ale min bolo, kɔni, wo ko yo sa wole bolo ka a manyinika ala dannuna ko ma. A bɛnnɛ a ni min ma, a ma bɛn wo ni wo fɔ a ye.

Aiseya 47:4

Ma kunkalɛ le Mari Sɛnbɛ-Bɛɛ-Tigi la. A tɔgɛ le Isirɛlata Alla-sɛnimɛ.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Yɛrɛmaya 51:5

Hali Isirɛla mɔgɛnu anubɛ Yuda mɔgɛnu bara hakɛ kɛ Mari-Sɛnimɛ la, ale anuta Mari Alla Sɛnbɛ-Bɛɛ-Tigi ko a ma a ban anu na.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.