Aiseya 42:24 - ALLALA KUMƐ

²⁴ Yon ya Isirɛla nyamanɛ latenbi a kankannɛnu ma? Ale Mari nyɛrɛ-nyɛrɛ le ya wo ma, ma ara hakɛ kɛ min na, kɔni. A sɔgɛ ye a la, ma ni ma nya min, ma ma sɔn wo ma. Ma ma sɔn ala karan-bira-koe ma ma bolo filɛ la.

Aiseya 42:24 ပူးပေါင်းရင်းမြစ်များ

2 Ko-Kɔrɔta-Karan 15:6

Sibole donu bi sibole donu kɛlɛla. Soe donu bi soe donu kɛlɛla bawo Mari ye tɔrɔyɛ lanala wo ma.

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

Yaburi 81:12

Woletɔ n sɔnta, bɛɛ tora ala tolo-gbɛlɛyɛ la. Bɛɛ ya a ma iko a di a ye nya min.

Yaburi 81:13

E, nta mɔgɛnu Isirɛla, alako nun wo ya wo tole masɔ n na, wo si diya n ye. Alako nun wo ya nna kumɛnu bira nun.

Aiseya 30:15

Ma Tigi Mari, Isirɛlata Alla-sɛnimɛ, kɔni, wo ye a fɔla mɔgɛnu ye ko wo ni wo gbɛrɛn ale ma ka la a la. A ko wo kɔma, wo si sɛnbɛ sɔrɔn ka sigi lafɛrɛ rɔ. Kɔnɔ wo ma sɔn lala a la.

Aiseya 42:23

Mari ko, “Wole do si wo tole masɔ kɛ la? Ka a dabira bi ma, wo si wo tole masɔ a kin na?”

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Aiseya 57:17

A ko a kɔrɔtɔnɛ wo ma ka a tɛgɛ wola kin-kɔrɔla-fasɛ ma. A ko a ya a kan-kɔ sɔ wo la ka wo tɔrɔ ala fondo-bɔɛ la. A ko hali wo, wo ma wo bɔ wo gbɛ da la. Wo ye ko-yogomɛ kun na tolon!

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 44:10

Ha bi, wo ma wo famayigi Mari kɔrɔ wɛ, ado ha bi, wo ma ale Mari gbiliya. Ale Mari ya tɔn minnu di wobɛ wo benbanu ma, ha bi, wo ma wonu bira.

Yɛrɛmaya 5:15

Wole Isirɛla mɔgɛnu, Mari ko wo ni wo tole masɔ. A ti mɛ tun, nyamanɛ do si na wo tɔrɔ-tinɛ ka bɔ wula-yan la. A ko nyamani-kɔrɔkɔrɛ do le wo la. Mɔgɛ wonu bi kumɛ min fɔla, wo ti wonu kan ragbɛ. Wo ti ke anu kuli ragbɛla.

Nimisa Koe 1:14

“Mari ara n hakɛ bɛɛ ladɛn ka anu kiri anu nyɔgɔn ma. A ban, a ya wonu kiri n kan ma. A ya wo ma min kɛ, n tafagara kuluba! N Tigi Mari ya a ma, n yogenu ya n nɔ. Wo wati ya n taran, n ti ke anu kɛlɛla mumɛ!

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Matiyu 22:7

Mansɛ diminyara bɛrɛkɛ! A ya ala kɛlɛ-dannu nata mɔgɔ-fagalɛ wonu faga tinɛ ka anuna soe mintan.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Kɛlɛ-Kurugbɛnu 10:7

Mari fonde bɔra Isirɛla mɔgɛnu kuma. A sɔnta ko Isirɛla mɔgɛnu ni to Amonnu anubɛ Filisitinu kɔrɔ.

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.