Aiseya 42:21 - ALLALA KUMƐ

²¹ Alla le Mari la, mɔgɛnu kisi-sɔgɛ ye min na, woletɔ a ya ala tɔn anubɛ ala sereyanu nagbɛlɛya, ado a ye a fɛ, ala mɔgɛ bɛɛ ni wonu gbiliya.

Aiseya 42:21 ပူးပေါင်းရင်းမြစ်များ

Yaburi 138:2

N si n madu dugi ma i Bato-Bon-sɛnimɛ telen tɔ. N si baraka bira i ye ka a tɛgɛ ita hinɛ anubɛ ila lanayɛla ko la. I wara i tɔgɛ anubɛ i kuman-kan lawanka fan bɛɛ ko.

Yaburi 40:8

Nta Alla, a di n ye, n ni i diyana-koe kɛ ka ila karan mara n yisi rɔ.”

Yaburi 71:16

Ma tigi Mari Alla, n si ila sɛnbɛ matɔgɔ. N si i kelen pela wɔli-nyimɛ fɔ.

Yaburi 71:19

E, Alla, ila telenbagayɛ kenɛ fɔɔ san-kole ma. I wara kabana-ko-siyaman kɛ, ado i nyɔgɔn sa.

Aiseya 42:4

A yigi ti tɛgɛ, ado ala kerinteyɛ ti dasa. A si telenbagayɛ ki dugu-kole kuma. A lakaran-sɔgɛ si wula-yanna-mɔgɛnu bira sokesoke!

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Yɔni 8:29

N Fa min ya n sɔ, wo le ye n fɛ yan. A ma n kelen pe to bawo n bi a diyana-koe kɛla tuma-wo-tuma.”

Romu 10:4

Nba, Kirasiti ara na min kɛ, sɛnbɛ sa Nɛbi Musala tɔn-kitabu la tun. Woletɔ dɛnkɛninyɛ ye min bɛɛ yisi rɔ, wonu bara telen Alla yala.

Romu 3:31

Dɛnkɛninyɛ si tɔn-kitabu wara-koe ma fuyi la worɔ? Wo ma de! Dɛnkɛninyɛ le si a ma, ma ni tɔn-kitabu gbiliya kati!

Romu 7:12

Tɔn-kitabu nyɛrɛ sɛnima, a telenta, a kin.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Kalesiya 3:21

Nba, Nɛbi Musata tɔn-kitabu ye Allata lanyiri kan ma, wa? Ade, a sa wo nya na de! Ni tɔn do ya niyi di mɔgɛnu ma nun, mɔgɔ si telen Alla ye tɔn-birɛ fɛ nun.

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.