Aiseya 42:16 - ALLALA KUMƐ

¹⁶ A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 42:16 ပူးပေါင်းရင်းမြစ်များ

Yaburi 94:14

Ile Mari ti ila mɔgɛnu boloka. I ti i kan-kɔ sɔ anu na.

Makawandili Kumɛnu 1:15

Min ta ara ban dula, wo la ti telen tun. Ni min sa, wo dan ti lɔn.

Makawandili Kumɛnu 7:13

I miri Allata kabana-koenu ma. Alla ara min tadu, yon si ke wo latelenna?

Aiseya 26:7

Mari ya kilɛ rakɛnya ala mɔgɔ-nyimɛ ye! I ya a ma, anuna kilɛ latelenta.

Aiseya 29:18

Wo tele wa ke tumɛ min, tolo-gberenu tole la si ka ka kɛdi wo karan-kan lamɔɛn. Fiyɔn min bara mɛ a bolo mɛmɛla pinpi rɔ, wonu yɛ la si ka ka fen yen.

Aiseya 29:24

Kun-takolɔnnu si wuli ko-nya-yenna. Min bi gbunyala karan kɔrɔ, wonu si sewa karan la.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 32:3

Mɔgɛnu bi nyinina min ma, anuna kun-tigi wonu yɛ bɛnnɛ si to wonu ma. Anu tole rabalannɛ a lamɔɛn-koe la fanan.

Aiseya 35:5

Fiyɔnnu si fen yen. Tolo-gberenu si ko lamɔɛn.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 40:4

Wo ni kɔnkɔ-gbɛran bɛɛ lafa ka kɔnkɔ-wɛnu tii a yarɔ mɛmɛ! Gburukulinu si ma lɛɛ la. Nyamani-gbɔgɔsa-gbagasɛ ma si nunku.

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Aiseya 41:3

Ale si anu sagaran, ado yanba ti yalan a ma. A kin natiri, a mani de iko a kin sa tugula dugu la.

Aiseya 45:2

ale nyɛrɛ-nyɛrɛ si kilɛ laka a ye ka kɔnkɛnu anubɛ gburukulinu tii a yarɔ. Tarɛ min don-dɛ ladannɛ silɛɛ la, Mari ko a si wonu keri ale Sairasi yarɔ. A balan-fan min nadannɛ nɛgɛ la, a si wonu takerikeri.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Aiseya 52:12

Wo wa bɔ kɛ rɔ, hali wo ma bɔ tiriya! Hali wo ma buri kɛ rɔ. Wota Mari Alla si sɔ wo yarɔ ka wo kumafunfan kan bɛɛ rɔ.

Aiseya 54:13

A ko ale Mari nyɛrɛ si ila mɔgɛnu karan ka yisi-kimɛ di anu ma.

Aiseya 58:10

Wo ni kɔnkɔtoenu de-nyini. Minnu bi nanparan rɔ, wo ni hina wonu na. A ko ni wo ya wonu ma, wo ye pinpi min tɛma, wo si yɛlɛma wo bolo tele la.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Isikiyɛli 14:23

I ye a lɔnna wo wati le tɔ ko wo ma-kɔrɛ ye n bolo. Nde, wo Tigi Mari kan le kɛ la.”

Hoseya 2:14

N bi nala tala a la wulɛ rɔ. N ba ke a la nyɔ, n si a manugu-nɛgɛ-kumɛnu fɔ alako n ni diya a ye tun.

Hoseya 2:6

Ka a tɛgɛ wo le ma, n bi wɔnɔ-sansan donna a ma. N si sansan don ka kilɛ tɛgɛ a ma.

Emɔsi 5:8

“Alla ya lolenu nadan ka anu sigi-tinɛnu tabɛn san-kole rɔ iko a di a ye nya min. Ale le ye suyi yɛlɛmana tele la. Ale le ye tele yɛlɛmana suyi la. Ale le ye yi layɛlɛla san ma ka a labɔn dugu-kole kuma. Ale Mari nyɛrɛ-nyɛrɛ le ye wo mala.

Luka 3:5

Anu ni fole bɛɛ lafa ka kɔnkɛ anubɛ gburukuli bɛɛ tii alako anu ni ma lɛɛ la. Anu ni kila-radunɛ bɛɛ latelen ka kila-gbɔgɔsa-gbagasɛ bɛɛ manunku.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Ɛfɛsa 5:8

Wole nyɛrɛ ye pinpi le tɔ fɔlɔ-nun kɔnɔ kebi wo mara Maritɛ la, wo ye wan-takanɛ le tɔ gbɛ! Wo ni tagama iko mɔgɛ minnu bi wan-takanɛ wo rɔ.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

Yasowa 3:4

Saraka-masɔlɛnu si kilɛ yira wo la bawo wo ma nyɔ lɔn. Kɔnɔ wo kana wo gbɛrɛn tɔn-kenkirɛ ma. Wula-yan ni to wobɛ tɔn-kenkirɛ tɛma.”

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ