Aiseya 42:15 - ALLALA KUMƐ

¹⁵ A si kɔnkɛnu anubɛ gburukulinu tii mɛmɛ! A si binyɛ anubɛ kɔlɔmanu gbala. A si ba-lɛɛ anubɛ bɛnu ma gberende la! Yi-kundi minnu siginɛ a rɔ, a si wonu gbala todo!

Aiseya 42:15 ပူးပေါင်းရင်းမြစ်များ

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Aiseya 41:15

Wo si ma iko fui-fen-gbesi-fan, a da lasulennɛ, ado a si wɔli a kin na! Wo si kɔnkɛnu tii mɛmɛ! Gburukulinu si ma iko fui-fen-fofe.

Aiseya 44:27

A ko a wa a karɛ laka ka a fɔ ko a ni gbala kɔgɔ-yi ma, wo si gbala todo!

Aiseya 49:11

A ko a si kila-wɛ sa kɔnkɔ-layan-bɛ kuma ka kila-fongban-bɛ rabɛn ata mɔgɛnu ye.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Yɛrɛmaya 4:24

N ya kɔnkɛnu mafɛlɛn, anu bi yɛrɛyɛrɛnna. A bɛɛ ye magala a rɔ.

Isikiyɛli 38:19

A wa diminya-belebele-wɛ kɛ, a si a ma, dugi ni yɛrɛyɛrɛn Isirɛla nyamanɛ rɔ wo tele nyɛrɛ ma.

Isikiyɛli 38:20

A ko a yɛgɛ wo, a koni wo, a sogo-kinama wo, a sogo-mɛsɛ wo, a hadama-den wo, anu dama si yɛrɛyɛrɛn kilan bolo ka a tɛgɛ Marita kabana-koe ma wulɔn. Kɔnkɛnu si bui. Farɛnu dɛ la si ka. Tarɛ bɛɛ si ta sala a ma dundulu!

Hegayi 2:6

Mari Sɛnbɛ-Bɛɛ-Tigi kan le kɛ la. A ko a ti mɛ tun, a si san-kole anubɛ dugu-kole layɛrɛyɛrɛn. A si kɔgɔ-yi anubɛ dugi layɛrɛyɛrɛn.

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 16:12

Wo kɔma, melika wɔrɔ nyɔgɛ ya ata pani-kunbɛ rawuya Yufɛrɛti-ba-wɛ rɔ. Bɛ wo gbalata ka kilɛ laka mansɛnu ye minnu bi nala ka bɔ tele-bɔɛ.

Lankɛnimayɛ 16:18

Bandɛ ya a nyin masɔgɔ. A tugura. San serenta. Dugu-yɛrɛyɛrɛn-ba kɛra min yogo dugu-yɛrɛyɛran bɛɛ ko! Kebi mɔgɔ danta, wo nyɔgɔn dugu-yɛrɛyɛrɛn ma kɛ bɛ mumɛ!

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.