Aiseya 42:13 - ALLALA KUMƐ

¹³ Mari si ta kɛlɛ-kɛ-tinɛ iko kɛlɛ-kurugbɛ! A rabɛnnɛ kɛlɛ-kan ma, ado kɛlɛ-sɔgɛ ye a la fanan. A ye tala mankan tugula a yogenu ma. A si ata sɛnbɛ yira a yogenu na.

Aiseya 42:13 ပူးပေါင်းရင်းမြစ်များ

Yaburi 118:16

Ata sɛnbɛ ara a ma, ma ara nɔ-ko sɔrɔn. Nɔlɛ sɔrɔnta kɛlɛ rɔ Marita kabana-ko-sɛnbɛ le la!”

Yaburi 78:65

Kɔnɔ tɔ-a-la, Mari kundenta iko a ye kinɔgɛ le tɔ nun. A manɛ iko kei-ragbɛlɛ wa baan min, wo ye kerinteyala nya min.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 31:4

Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Aiseya 37:32

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 66:14

Wo wa kɛ damasi rayen wo yɛ la tumɛ min, wo si sewa dɔgɔma-ma-de! Wo si to sabatila iko binyɛ. Marita wɔli-kɛlɛnu si ata sɛnbɛ yen kɔnɔ Mari yogenu si a diminya-nya yen anu ma.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 25:30

Mari ko nde, Yɛrɛmaya ni a kuman-kan kɛ bɛɛ rakaran wole, ata mɔgɛnu ye ko ale Mari bɔrɔndɔ-bɔrɔndɔ-kan si bɔ Arinyɛni tɔ. A si san-sɛran nabɔ san-kole kɔma pon! A si bɔrɔndɔ-bɔrɔndɔ ala mɔgɛnu ma. A si yerelen tɛgɛ iko konima-dannu. A si kuma duninya-mɔgɛ bɛɛ ma.

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Emɔsi 1:2

Nɛbi Emɔsi ko, “Mari ye seren-serenna Yerusalɛm kɔnkɔ-layan-bɛ kuma iko yara-kɔnkɔtoe. A kuman-kan manɛ Yerusalɛm kuma iko san-gbalamɛ. A kuman-kan si a ma, anuna saga-de-nyini-tinɛnu ni gbala wau!” Siriyanu

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.