Aiseya 42:1 - ALLALA KUMƐ

¹ Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 42:1 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 72:4

Alamɛ mansɛ ya bolo-kolɔnnu kiti telenbagayɛ la. Alamɛ a ya fugarɛnu hayu kasa ka anu yogenu kasara.

Yaburi 89:4

mansayɛ ti bɔ ala bɔn la. Mansayɛ si to ala bɔn la burubukai!

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Aiseya 32:16

Telenbagayɛ anubɛ latelan si taran kan tinɛ bɛɛ rɔ.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Aiseya 41:9

A ko a ya wo ladɛn ka wo bɔ dugi-tonko nanɛ bɛɛ rɔ. A ya a fɔ wo ye ko ala wɔli-kɛlɛ le wole la. A ko a ma a ban wo la fɔ ka wo yabɔ.

Aiseya 42:2

A ti seren-seren mɔgɛ ma, ado a ti kuma a yisi ma. A ti nyɛɛ nyama ma barɛ rɔ.

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Aiseya 52:13

Mari ko ala wɔli-kɛlɛ si ala wɔlɛ nɔ le, ado mɔgɛnu si a bi ka a gbiliya.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Hegayi 2:23

Wo tele wa ke tumɛ min, nta wɔli-kɛlɛ Sarababulu si ma nta mansa-yabɔnɛ la. Ale le si ma wo kun-tigi la nde, Mari ya ale min yabɔ.” Wo kɔma, Nɛbi Hegayi ya Mari kuman-kan wo latenbi Isirɛla mɔgɛnu ma.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Luka 3:22

Allata Ni-Sɛnimɛ yigira Yisa kuma kangbɔɛla muninyɛ rɔ. Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Luka 4:19

Mɔgɛnu bi hɔrɔyala san min ma, Mari ya n sɔ ka wo wara-koe fɔ anu ye.”

Luka 9:35

Kuman-kan bɔra banda-finyɛ wo rɔ, a ko, “Nna dan le kɛ la, n bara min yabɔ. Wo ni wo tole masɔ a la!”

Yɔni 16:32

Wati ye nala, ado a ara ke, wo dama si nyɛnsɛn. Bɛɛ si ta a warɛ. N kelen pe si to. Kɔnɔ n kelen ma de bawo n Fa Alla ye n fɛ.

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 11:18

Anu ya kɛ lamɔɛn tumɛ min, anu ya a makumɛ boloka ka Alla tanto. Anu ko, “Nba, Alla ara fɛrɛ di sibolo-gbɛrɛnu fanan ma ko anu ni tubi ka habadan-nimayɛ sɔrɔn!”

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Filipai 2:7

A ya wo bɛɛ boloka a nyɛrɛ sako la ka kɔrɔ-wɔli-kɛlɛ sɔn bi. A sɔrɔnta iko mɔgɛ ka bɔ gbɛ rɔ mɔgɔyɛ muninyɛ rɔ.

Kɔlɔsi 1:13

A ara ma kisi pinpita sɛnbɛ ma ka na ma la a diyana-danta mansaya-sɛnbɛ kɔrɔ.

1 Pita 2:4

Wo na Mari ma, Allata kuru-nimɛ, kɔni, mɔgɛnu ya anu ban min na nun. Anu ma a lɔn fenfen na kɔnɔ a yabɔnɛ Alla bolo bawo a gbiliyanɛ Alla ya la.

1 Pita 2:6

ado a sɛbɛnɛ Allala kitabu rɔ ko, “N bara sɛbɛna-kuru-tɔnɔnamɛ yabɔ n bi min sigila Yerusalɛm soe tɔnkɔn rɔ, mɔgɔ-wo-mɔgɔ wa dɛnkɛninya a ma, wo ti baya mumɛ!”