Aiseya 41:5 - ALLALA KUMƐ

⁵ “Nde, Mari ara minnu ma, wula-yanna-mɔgɛnu bara wo yen. Anu bara kilan furr, anu kun ma ara kɔ. Anu kun bara dɛn kan-tina-kelen.

Aiseya 41:5 ပူးပေါင်းရင်းမြစ်များ

Ko-Dabirɛnu 10:5

Yefan wo bɔnsɔnnu denu denu siginɛ Mɛdetereniyan kɔgɔ-yi dafɛ wara la anubɛ a yi-tɛma-duginu tɔ. Anu bɛɛsi siginɛ anuta nyamanɛnu tɔ. Bɛɛ ye ata kan fɔla.

Yaburi 65:8

I wara kabana-koe minnu kɛ, duninya bɛɛ kawanɛ wonu ma. Ka a bi duninya tɔnkɔn doi ma ka a sigi a tɔnkɔn doi la, i ye mɔgɛnu nasewala.

Yaburi 65:9

I ye dugi fɛ-birala bandɛ la. I ye a mala, mala dugi ye nɔrɔnna sɛnita-fannu kɔrɔ kati! I ye yi-worɔnnu nafala yi la. I ye duninya lafala ki-fannu na.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 67:7

Alla ara ata duwɛ layigi ma kuma. Alamɛ mɔgɛ bɛɛ ya a gbiliya duninya rɔ.

Bɔ-Koe-Iyipiti 15:14

Mɔgɛnu ba kɛ lamɔɛn tumɛ min, anu si yɛrɛyɛrɛn kilan bolo. Filisitinu kun ma si kɔ.

Aiseya 41:1

Alla ko, “Wole wula-yanna-mɔgɛnu, wo ni wo tole masɔ n na. Wo ni wo rabɛn wola kitinu nata-koe la kiti-bɔn la. Wo si fɛrɛ sɔrɔn nyɔ le ka kuma. Ma ni ma ladɛn ka a lɔn ni yoe ye min bolo.

Aiseya 41:6

Boloma-wɔli-kɛlɛnu bi anu nyɔgɔn madɛnbɛna. Anu bi a fɔla anu nyɔgɔn ye ko, ‘Wo ni wo ragbɛlɛya.’

Isikiyɛli 26:18

Kɔnɔ soe wo ara bui tele min tɔ kɛ la, wo ara a ma, yi-tɛma-dugi-mɔgɛnu bi yɛrɛyɛrɛnna kilan bolo, ado anuna mɔgɛ bɛɛ ma ara lɔfɔkɔrɔya.

Yasowa 2:10

Ma ya a lamɔɛn fanan ko Isirɛla mɔgɛ bɛɛ bɔra Iyipiti tumɛ min, Mari ya kabana-koe do kɛ ka Kɔgɔ-Yi-Wulan gbala anu yarɔ, ado ma ya a lamɔɛn fanan ko Amora mansa filɛ minnu tɔgɛ Saihɔn anubɛ Ɔku, wo ya wonu faga Yorodan bɛ kɔma.

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!