Aiseya 41:23 - ALLALA KUMƐ

²³ Min bi nala mala sina, wo ni wonu fɔ ma ye. Ni wo kera wo mala, nba, wobɛ Allatala mansa-gbu-wɛ rakɛn de wo rɔ. Wo ni kabana-koe do ma, ni wo ma, wo ni na kasarɛ do la. Wo ni a ma, ma kun ma ni kɔ kilan anubɛ gbiliyɛ la.

Aiseya 41:23 ပူးပေါင်းရင်းမြစ်များ

Aiseya 19:12

Ile Iyipiti mansɛ, i makawandila hɛnkilimɛnu bi mintɔ? Miriya min bi Mari Sɛnbɛ-Bɛɛ-Tigi la ka a bɛn Iyipiti ma, tumado anu denu si wo yira i la.

Aiseya 42:9

A ko a ya koe minnu fɔ wati-tenbinɛ, wonu bara bɔ-a-la, ado a ko ale le si ko-kurɛnu fɔ wo ye yanni anu ni bɔ a la.

Aiseya 43:9

A ko ma ni sibole bɛɛ kundɛn. Anuna bɛsi-nyamintan si ke sinan-koe fɔla? Ma ye koe min kun na kaka, anuna bɛsi-nyamintan ya wo rakaran nun? Bɛsɛnu fanan ni na anu serenu na alako ma ni a lɔn ko anu yo. Anu ni a fɔ ko anu bara tonyɛ fɔ.

Aiseya 45:21

Wo na kumɛ kɛ la kiti-bɔn la. Wo fɛkalɛnu ni anu nyɔgɔn kundɛn. Koe minnu bara ma kaka, yon bara wo fɔ wo ye nun kɔrɔma la? Ale Mari Alla le ya wo fɔ, min bi ala mɔgɛnu kisila, kɔni. Alla-wo-alla sa nyɔ ale kɔma.”

Aiseya 45:3

Mari ko fen-kolomɛ minnu dogonnɛ pinpi rɔ, a si wonu di a ma. Wo kɔma, ale si a lɔn ko Mari le Mari la. A si a lɔn fanan ko Isirɛlata Alla ya a sereka-tɔgɛ rakele.

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Yɛrɛmaya 10:5

Bɛsɛ wonu mani de dɔrɔn iko sogo-rakilan-fan. Anu ti kuma. Anu ti tagama, fɔ mɔgɛ wa wonu maduni. Wo kana kilan bɛsɛ wonu na. Anu ti mɔgɛ madumɛ, ado anu ti mɔgɛ madɛnbɛ.

Yɔni 13:19

Yanni kɛ wati ni ke tumɛ min, n bi kɛ fɔla wo ye, woletɔ a wa ke tumɛ min, wo si la a la ko, ‘Ale, wo mɔgɛ le nde la.’

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”