Aiseya 41:16 - ALLALA KUMƐ

¹⁶ Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 41:16 ပူးပေါင်းရင်းမြစ်များ

Yaburi 1:4

Kɔnɔ karagbɛlɛnu mani ma iko mɔgɛ kɛ. Wonu mani de iko fɔnyɔ si ta fen-gbalɛ min na.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 17:13

Hali sibolenu bi tugula a rɔ Isirɛla kan ma wo nya, Alla wa anu makuma, anu si sɛgi anu kɔma iko fɔnyɔ wa gbangban kɔ, ni wo ma, iko tɔnkɔlɔn wa bin-gbalɛ fɔrɔn.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 28:5

Wati ye nala, Mari Sɛnbɛ-Bɛɛ-Tigi nyɛrɛ-nyɛrɛ si ma iko mansaya-fulɛ min nadannɛ kɔn-fere la. Ala mɔgɔ-dande minnu bi tola, ale si to wonu ye.

Aiseya 29:19

Isirɛlata Mari Alla-sɛnimɛ ye sewɛ min dila mɔgɛnu ma, bolo-kolɔn anubɛ mɔgɔ-famayiginɛnu si wo sɔrɔn tun.

Aiseya 29:5

Sibolo-gbɛrɛ minnu bi nala ile Yerusalɛm kɛlɛla, wonu si fɛ iko fɔnyɔ wa ta gbangban la. Anuna kɛlɛ-den-makilannɛnu, fɔnyɔ si ta wonu na iko bin-gbalɛ. Wo dama si ma tiriya!

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 40:24

Mansɛ wonu mani de iko ki-fan min bɔ-san anu suli labɔla. Mari wa fɔn-fɛlɛfɛlɛnɛ lana, anu si gbala iko bin-gbalɛ. Fɔnyɔ wo ni ta anu na pon!

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Aiseya 60:19

Wo mako ti taran teleta wan-takɛ la. Wo mako ti taran karɛta wan-takɛ la. Ni i ya a yen wo ye mala bawo Mari le ye ita waan la burubukai! Ale ita Allata gbiliyɛ si waan raka i ma.

Aiseya 65:18

Ka a tɛgɛ ko-kurɛ wonu ma, ala mɔgɛnu si to sewala. A si Yerusalɛm ladan alako a la ni fa sewɛ la. A si a ma, ala mɔgɛnu fanan ni sewa.

Yɛrɛmaya 15:7

Ale Mari ko a si wole, ata mɔgɛnu gbesi foron-tagbesi-bosɛ la ka wo ranyɛnsɛn soe tarɛ don-dɛnu na. A ko bawo wole, ata mɔgɛnu sa wo kɛ-nya yɛlɛmana, a si wo kasara pɔ! A si wola dannu gbɔrɔndo wo kɔrɔ ka anu faga.

Yɛrɛmaya 51:2

A ko a si sibolo-gbɛrɛnu nana anu kan ma iko tɔnkɔlɔn si bin-gbalɛ bi nya min. A ko kasara-tele wo wa na, anu si ta bui Babilɔn ma a tɔnkɔn bɛɛ rɔ. Anu si nyɔ rakolɔn to.

Yɛrɛmaya 51:20

Mari ko, “Ile Babilɔn, nta kundu-wɛ le ile la. Nta kɛlɛ-kɛ-fan le ile la. N si ile bi alako ka sibolenu anubɛ nyamanɛnu kasara.

Yɛrɛmaya 51:33

Babilɔn yogenu si anu tatɛgɛtɛgɛ ka anu tɛn iko fui-fan min tenbi gbere-kole ma, ado wo sa mɛla tun. Ale Mari Sɛnbɛ-Bɛɛ-Tigi Isirɛlata Alla kan le kɛ la.

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Hoseya 11:9

N ti wo tɔrɔ nta diminya-belebele la. N ti Isirɛla kasara tun bawo nde, Alla le, hadama-den ma. Nde sɛninyanɛ wo tɛma, ado n diminyanɛ ti na wo wara.

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Habakuku 3:18

kɔnɔ hali wo, n si nyagalen ka sewa bawo Mari Alla le nna kisilɛ la.

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!