Aiseya 41:14 - ALLALA KUMƐ

¹⁴ Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 41:14 ပူးပေါင်းရင်းမြစ်များ

Yobu 19:25

Kɔnɔ n ya a lɔn serr, ko n kunkalɛ ye nyɔ Arinyɛni tɔ. Nta wati wa ke, a si ma nna kiti-fɔlɛ la.

Yobu 25:6

Kumanato hadama-dan ma, tunbi ye wo min na. Nfen bi hadama-dan la Alla yala?

Yaburi 19:14

Alamɛ n miriyanu anubɛ nna kumɛnu ya i hɛnɛ. Nna kanannɛ anubɛ n kunkalɛ le ile Mari la.

Yaburi 22:6

N sa hadama-denya la tun. N mani de gbɛ iko tunbi bawo mɔgɛnu bi nyimala n tɔ.

Yaburi 46:5

Alla ye soe wo burɔ. Nyɔ ti halaki mumɛ! A si na anu dɛnbɛ sɔgɔma subaga.

Yaburi 78:35

Anu ya anu miri a ma tun ko anuna kanannɛ le ale Alla la. Anu ya anu miri ko Alla Sɛnbɛ-Bɛɛ-Tigi le wara na anu dɛnbɛ.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 37:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla madiya ma ye.”

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 43:14

Isirɛlata Alla-sɛnimɛ min bi ma kisila, wo ko a si kɛlɛ-den-siyamɛnu natugu Babilɔn kɛnu kan ma alako anu ni ma kunyɛ bɔ gbaran rɔ. A ko a si nyɔ tarɛ dɛnu keri. A ko nyɔ-mɔgɛnuna tolon si yɛlɛma anu bolo diyi la.

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 47:4

Ma kunkalɛ le Mari Sɛnbɛ-Bɛɛ-Tigi la. A tɔgɛ le Isirɛlata Alla-sɛnimɛ.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 59:20

Mari ko ale kunkalɛ ye nala Yerusalɛm, min si anu nakisi. Yakoba kebilɛ minnu bara anu sɔ anu hakɛ la ka sɛgi Alla ma, a si wonu kunka.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Yɛrɛmaya 46:27

Mari ko wole, ala mɔgɛnu kana kilan. Isirɛla mɔgɛnu kuma kana kɔ. A ko a si wo labɔ wula-yan-nyamanɛ rɔ wo ye biralɛ rɔ kan min nun. A ko a si na wo la ka wo sigi wo fanbolo. A si wo kandan. Mɔgɔ-wo-mɔgɔ ti wo lakilan.

Yɛrɛmaya 50:34

Kɔnɔ minnu bi nala anu kunyɛ bɔla gbaran rɔ, wo sɛnbɛ kolo. A tɔgɛ Mari Sɛnbɛ-Bɛɛ-Tigi. Ale nyɛrɛ si anuna dunɛ bi ka yisi-kimɛ lana duninya rɔ. Kɔnɔ dunɛ si sa Babilɔn kɛnu kan ma.

Nimisa Koe 3:57

I ya i gbɛrɛn n ma ka a fɔ n ye ko n kana kilan.

Daniyɛli 10:12

A ko, “Daniyɛli, i kana kilan. Ka a bi a fɔlɔfɔlɛ rɔ, i ya i famayigi alako i ni ko-rayen kɛ kɔrɛ lɔn, Alla ya ila matarali-kan wo lamɔɛn. Nde fanan bara na alako ila mataralɛ ni yabi.

Hoseya 11:9

N ti wo tɔrɔ nta diminya-belebele la. N ti Isirɛla kasara tun bawo nde, Alla le, hadama-den ma. Nde sɛninyanɛ wo tɛma, ado n diminyanɛ ti na wo wara.

Matiyu 7:14

Kilɛ min bi tala nimaya tinɛ, wo tagama-koe gbɛlɛ. A dɛ ma kolo, ado mɔgɔ siyaman sa a yenna.

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Tɔn-Fɔɛ-Fila-Nyɔgɛ 7:7

“Mari ma wole keni ka wo yabɔ bawo wo siya sibolo-doinu ko, ado a ye wo yabɔla wati min, sibolo-dɔgɔmanɛ le wole la nun duninya-sibolenu tɛma.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Yasowa 17:18

Wo si ta ka nyɔ-kɔlɔmanu tɛgɛ. Wo ni nyɔ ladan wo nyɛrɛ ye. N ya a lɔn ko wo si ke Kenan mɔgɛnu gbenna le. Hali anuna nɛgɛ-kirindinu siya, wo si ke ka anu nɔ feu!”

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.