Aiseya 41:13 - ALLALA KUMƐ

¹³ Wo Mari Alla le ale la. A ye sɛnbɛ dila wo ma ka a fɔ wo ye ko hali wo ma kilan. A si wo dɛnbɛ.

Aiseya 41:13 ပူးပေါင်းရင်းမြစ်များ

Yaburi 109:31

bawo a ye bolo-kolɔn kumafunfanna. Minnu bara ban anu faga-koe latɛgɛla, a si anu kisi wonu masibɛ ma.

Yaburi 118:7

N dɛnbɛnɛ le Mari la. N si nɔ-ko sɔrɔn n yogenu ma.

Yaburi 63:8

N ba i kɔɛn bira n bole la, wo si n natanka.

Yaburi 73:23

Hali wo, n gbɛrɛnnɛ i ma tolon! N bolo biranɛ i bolo.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 42:6

ale Mari le ya a kele ka sɛnbɛ di a ma alako telenbagayɛ ni wara dugu-kole kuma. A ko ka a tɛgɛ ata wɔli-kɛlɛ ma, sarama-kan si kiri anubɛ mɔgɛ bɛɛ tɛma. Ka a tɛgɛ ale ma, Mari si waan raka sibole bɛɛ ma.

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 45:1

Mari le wara Sairasi yabɔ ko a ni ma mansɛ la. A ya a yabɔ alako a ni sibolenu nɔ kɛlɛ rɔ. A ya ale Sairasi sɔ ko a ni sibole wonuna mansaya-sɛnbɛ dɛ makeri. Mari nyɛrɛ le ye soe wonu tarɛ-dɛnu nakala alako ale Sairasi ni don anu kuma. Mari ya a fɔ Sairasi ye ko

Aiseya 51:18

Dugurɛn-wo-dugurɛn ti taran ile Yerusalɛm soe le tɔ, min si i bole bira tagama tinɛ.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 46:27

Mari ko wole, ala mɔgɛnu kana kilan. Isirɛla mɔgɛnu kuma kana kɔ. A ko a si wo labɔ wula-yan-nyamanɛ rɔ wo ye biralɛ rɔ kan min nun. A ko a si na wo la ka wo sigi wo fanbolo. A si wo kandan. Mɔgɔ-wo-mɔgɔ ti wo lakilan.

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.