Aiseya 41:10 - ALLALA KUMƐ

¹⁰ Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:10 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 31:5

A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ.

Ko-Dabirɛnu 49:24

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

2 Samuwɛli 22:19

Kɔndɔfili ye n ma wati min, n yogenu buira n ma kɔnɔ nta Mari ya n nakanan wulɔn.

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

2 Ko-Kɔrɔta-Karan 32:8

Hadama-den-fanka-gbansan le a bolo dɔrɔn kɔnɔ maleta Mari Alla ye ma dɛnbɛna kɛlɛ rɔ.” Mansɛta kumɛ, wo le ya mɔgɛnu nakerinteya.

Yaburi 144:11

N natanka n yogenu ma minnu karagbɛlɛ. N kana faga sibolo-gbɛrɛkɛnu bolo tɔ, ado anu ti tonyɛ fɔ. Hali gboroli-kɛ-tinɛ, anu si foninyɛ fɔ.

Yaburi 145:14

A ye mɔgɔ-tɔrɔnɛnu dɛnbɛna. A ye mɔgɔ-buinɛnu nawulila.

Yaburi 147:12

Ile Yerusalɛm soe nyɛrɛ ni Mari tanto. I ni Alla tanto.

Yaburi 18:36

E, Mari, i wara kilɛ rabɛn n ye, n si tagama kan min woletɔ n ti bui.

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Yaburi 29:11

Mari si sɛnbɛ di ata mɔgɛnu ma. A si ata duwɛ layigi anu kuma. Anu ni yisi-kimɛ sɔrɔn.

Yaburi 33:12

Marita sibolo-yabɔnɛ si to a diya. Alla ara anu denu minnu yabɔ, anu sewanɛ si to.

Yaburi 37:17

bawo Mari si karagbɛlɛnu sɛnbɛ bi anu bolo ka mɔgɔ-telennɛnu nakanan.

Yaburi 37:24

Ni anu ya anu kian latugu ka tonko-tanka, Mari ti sɔn anu ni bui. A si anu bira anu bole ma.

Yaburi 41:12

Bawo n bi ko-latelennɛ kɛla, woletɔ i ye n dɛnbɛna. I si a ma, n ni to i fɛ tɛban!

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 63:8

N ba i kɔɛn bira n bole la, wo si n natanka.

Yaburi 65:5

Ma ya a lɔn ko i ye mala madiyalɛnu yabila bawo ma ye nɔlɛ sɔrɔnna ma yogenu kuma. I ye kabana-koenu nadanna ma ye alako ma si kisi nya min. Duninya-mɔgɛ bɛɛ lanɛ ile la, hali minnu bi kɔgɔ-yi kɔma.

Yaburi 99:4

E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 37:6

nde fanan ya n sara Mansa Hɛsakaya wara. N ko, “Ni Asiriyanu bi a fɔla ko Mari ti ke anu kisila, hali kumɛ wo ma a rakilan.

Aiseya 43:5

Ma kana kilan bawo a ye ma fɛ. A ko a si na mala mɔgɛnu na ka bɔ tele-bɔɛ anubɛ tele-yigi pon!

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 50:9

Ma Tigi Mari le n fɛkalɛ la. Ni a ye wo nya le, yon si n yiliki wo rɔ? Minnu bi tɔgɛ sala n na, wonu na si murun! Wonu si ma iko kisi wa kurɛ dɔn.

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Aiseya 60:19

Wo mako ti taran teleta wan-takɛ la. Wo mako ti taran karɛta wan-takɛ la. Ni i ya a yen wo ye mala bawo Mari le ye ita waan la burubukai! Ale ita Allata gbiliyɛ si waan raka i ma.

Nimisa Koe 3:57

I ya i gbɛrɛn n ma ka a fɔ n ye ko n kana kilan.

Daniyɛli 10:12

A ko, “Daniyɛli, i kana kilan. Ka a bi a fɔlɔfɔlɛ rɔ, i ya i famayigi alako i ni ko-rayen kɛ kɔrɛ lɔn, Alla ya ila matarali-kan wo lamɔɛn. Nde fanan bara na alako ila mataralɛ ni yabi.

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Hoseya 1:9

Mari ya a fɔ Nɛbi Hoseya ye ko, “I ni a tɔgɔ sa ko, ‘Nta-ma’ bawo nta ma Isirɛla mɔgɛnu na, ado anuta Alla ma nde la.”

Hegayi 1:13

Nde, Nɛbi Hegayi ya Marita kumɛ wo latenbi Isirɛla mɔgɛnu ma ko ata lanyiri le kɛ la ko ale si to anu fɛ.

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

Sakaraya 10:12

A ko a si ala mɔgɛnu tagbɛlɛya. Anu si a bato ka a kan to a gbɛ rɔ. Ale Mari kan le kɛ la.

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Luka 1:13

Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Luka 1:30

Wo kɔma, melika wo ya a fɔ a ye ko, “Mariyama, i kana kilan bawo i wara Alla hɛnɛ.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

Ɛfɛsa 3:16

N bi Alla matarala ko a ni sɛnbɛ di wo ma ata Ni-Sɛnimɛ baraka rɔ alako wo ni sɛnbɛ sɔrɔn wo yisi rɔ iko ala gbiliya-waranɛ ye nya min.

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Kɛlɛ-Kurugbɛnu 6:16

Mari ya a fɔ Kidiyɔn ye ko, “I si a nɔ le bawo nde, Mari le ye i dɛnbɛna. I si Midiyan kɛnu tatɛn iko mɔgɔ kelan tenbi i kɔrɔ.”