Aiseya 40:9 - ALLALA KUMƐ

⁹ Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 40:9 ပူးပေါင်းရင်းမြစ်များ

2 Ko-Kɔrɔta-Karan 13:4

Kɛlɛ-den-kurun filɛ wonu bɛnta Ifɛrɛm kɔnkɔ-nyamanɛ rɔ. Mansa Abaya yɛlɛta Sɛmareyim kɔnkɛ kuma. A ya a kuli mayɛlɛ ka Yɛrabowami anubɛ Isirɛla kɛnu takele. A ko, “Wo ni wo tole masɔ n na!

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 35:2

Wulɛ wo si sigi sa ka sarandɛ ratii sewɛ bolo. Nyɔ si kinya iko Lɛbanan kɔnkɛnu. A dugi si kinya iko Kamɛli kɔnkɛ anubɛ Sarɔn lɛɛ ye nya min. Mɔgɛ bɛɛ si Marita fanka anubɛ ata gbiliyɛ yen nyɔ.

Aiseya 41:27

Nde, Mari le fɔlɔfɔlɔn ya kibara-nyimɛ lake Isirɛla mɔgɛnu ma. N ya kilayɛ lata Yerusalɛm kɛnu ma ko wola mɔgɛnu sɛgimatoe le wo warɛ.

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 52:6

Kɛ bɛɛ ara ma alako wole, ata mɔgɛnu ni a lɔn ko ale le Alla la. Anu si na a lɔn fanan ko ale Mari le wara ban kɛ fɔla wo ye.

Aiseya 58:4

Wo tenbi sunyɛ wonu tɔ, wo ye sɔsɔli-sɛ anubɛ kɛlɛ-kɛ le la. Wo ye wo nyɔgɔn tatugula. A ko wo ti to ko-su kɛnu kun na, a ni wola madiyalɛnu yabi.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Yɛrɛmaya 22:20

Wole Yerusalɛm kɛnu, wo ta Lɛbanan nyamanɛ rɔ ka wo dɛ bolobɔ. Wo ta di Basan nyamanɛ rɔ. Wo ni wo kuli mayɛlɛ di-kɛ-tinɛ Mohabu kɔnkɛnu ma bawo wo yogenu bara wo dɛnbɛnɛnu nɔ.

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Nehami 1:15

Wole Yuda kɛnu, wo ni wo yɛ lata kilayɛ ma nala kuma-nyimɛ la a bolo kɔnkɛnu kuma. A ye nala wo yogenu nɔ-koe fɔla wo ye. Wo ni wola ladiyɛnu kɛ tun. Wo ara lanyiri kiri Alla ye minnu na, wo ni wonu di a ma. Wo yogenu ti bɔ Ninɛfa ka na bui wola nyamanɛ kɛ ma tun! Anu na ara to dogbe!

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Kɛwɔlɛnu 2:14

Kumɛ wo ya a ma, Pita anubɛ a ta-nyɔgɔ kilaya tan-ni-kelannu ya anu nasɔ. Pita kumara nyama ye a kulu-mayɛlɛnɛ la. A ko, “N na-kelen-nyɔgɔ Yahudiyanu anubɛ wole Yerusalɛm-sigilɛ bɛɛ, wo ni wo tole masɔ n na. N bi min fɔla, wo ni wo wɔlɔ matɔlɔ wo la.

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Kɛwɔlɛnu 4:29

Nba, Mari, anu bi niyi-ragbɛrɛn-kumɛ minnu fɔla, i wɔlɔ matɔlɔ wonu na. I ni sɔn ko male, ila wɔli-kɛlɛnu ni ila kumɛ fɔ yisi-latɛgɛ bɛɛ rɔ.

Romu 10:18

Kɔnɔ n ni nyinikalɛ kɛ. Yahudiyanu ya sarakanɛ kɛ lamɔɛn, ba? Tonyɛ le, anu ya a lamɔɛn. Iko a sɛbɛnɛ Allala kitabu rɔ nya min ko, “Sarakanɛ kɛ kera duninya kan tinɛ bɛɛ rɔ. A kera ha duninya dan la.”

Ɛfɛsa 6:19

Wo ni Alla matara nde, Pɔli ye fanan ko n ba wuli kumala tumɛ min, Alla ni kumɛ don n da rɔ. Wo ni ma alako n ni kuma yisi-latɛgɛ rɔ ka kibara-nyimɛ gbundu-koe labɔ gbɛ ma.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

1 Pita 3:14

Kɔnɔ hali wo tɔrɔta bawo wo ye ko-telennɛ kɛla, mɔgɔ-sewanɛ le wo la worɔ! Wo kana kilan mɔgɛnu na, ado wo kana hɔn anuna ko la.

Kɛlɛ-Kurugbɛnu 9:7

Abimɛlɛki dɔgɛ Yɔtam min ya a buri a kɔrɔ nun, wo ya wo kumɛ lamɔɛn min kɛ, a yɛlɛta Kɛrisim kɔnkɛ kuma. A nyɛɛra Sɛkɛm mɔgɛnu ma a kulu-mayɛlɛnɛ la, a ko, “Wole Sɛkɛm mɔgɛnu, wo ni wo tole masɔ n na woletɔ Alla si a wɔlɔ matɔlɔ wo la.