Aiseya 40:31 - ALLALA KUMƐ

³¹ Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Aiseya 40:31 ပူးပေါင်းရင်းမြစ်များ

Yobu 17:9

Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Yaburi 103:5

A ye ko-nyima-su bɛɛ dila n ma alako n tagbɛlɛyanɛ ni to n pose rɔ nya min iko kokɛ.

Yaburi 123:2

E, mata Mari Alla, ma yɛ bɛnnɛ i ma ha i ni kinikini ma ma iko wɔli-kɛlɛ si a yɛ bɛn a tigi ma nya min.

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Yaburi 20:9

E, Mari, a ma, mansɛ ni nɔ-ko sɔrɔn. Ma wa i rakele, i yandi, i ni a labira.

Yaburi 25:21

A ma, nna nyimayɛ anubɛ nna telenbagayɛ ni n namara bawo n yigi sanɛ i kuma.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 25:5

N karan alako n ni i sako lɔn ka a bira bawo ile le nta Alla la min si n kisi. N lanɛ i la tumɛ bɛɛ.

Yaburi 37:34

I yigi sa Mari rɔ ka ata tɔnnu bira. Wo si a ma, i ni gbiliyɛ sɔrɔn. Nyamanɛ ni to i bolo worɔ. Mari tenbi karagbɛlɛnu gbenna nyamanɛ wo rɔ, i si wo rayen i yɛ la.

Yaburi 40:1

N mɛra n muinna Marita dɛnbɛnɛ makɔnɔna. A ya a wɔlɔ matɔlɔ n di-kɛ-kan la.

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Yaburi 84:8

E, Mari Alla Sɛnbɛ-Bɛɛ-Tigi, i ni mata madiyali-kan lamɔɛn. E, Yakobata Alla, i wɔlɔ matɔlɔ ma kan la.

Yaburi 92:1

E, Mari, ka baraka bira i ye, wo kin dɔgɔma-ma-de! E, Alla Min Bi Fan Bɛɛ Kun Na, a kin ka bɛti bɔ ile le ye.

Yaburi 92:13

Anu bara-koe ye tala yarɔ Mari Alla Bato-Bɔn la iko kɔlɔmanu bi nanfala nya min.

Bɔ-Koe-Iyipiti 19:4

‘N bara min ma Iyipiti kɛnu na, wo ara wo rayen. N bara wo bi ka wo ma ntɛ la ka wo fɛ-bira kilɛ la iko bibi tenbi ala dannu fɛ-birala gban tinɛ.

Hɛnkilimaya-Kumɛnu 30:19

A fɔlɔtɛ le kokɛ la. Wo si firifiri san ma nya min, n kawanɛ wo ma. A fila nyɔgɛ le duguma-fan la. Wo si tagama farɛ ma nya min, n kawanɛ wo fanan ma. A sawa nyɔgɛ le kulɔn la. Wo fanan si ta kɔgɔ-yi kuma nya min, n kawanɛ wo ma. A nani nyɔgɛ le kei anubɛ musi la. Wonu si diya nya min, n kawanɛ wo fanan ma.

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 30:15

Ma Tigi Mari, Isirɛlata Alla-sɛnimɛ, kɔni, wo ye a fɔla mɔgɛnu ye ko wo ni wo gbɛrɛn ale ma ka la a la. A ko wo kɔma, wo si sɛnbɛ sɔrɔn ka sigi lafɛrɛ rɔ. Kɔnɔ wo ma sɔn lala a la.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 41:1

Alla ko, “Wole wula-yanna-mɔgɛnu, wo ni wo tole masɔ n na. Wo ni wo rabɛn wola kitinu nata-koe la kiti-bɔn la. Wo si fɛrɛ sɔrɔn nyɔ le ka kuma. Ma ni ma ladɛn ka a lɔn ni yoe ye min bolo.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Yɛrɛmaya 48:15

Mohabu nyamanɛ anubɛ a soenu si tinya pɔ! A kemini-mɛsɛ-nyimɛnu kan na si tɛgɛ. Mala mansɛ Mari Sɛnbɛ-Bɛɛ-Tigi kan le kɛ la.

Sakaraya 10:12

A ko a si ala mɔgɛnu tagbɛlɛya. Anu si a bato ka a kan to a gbɛ rɔ. Ale Mari kan le kɛ la.

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

Romu 8:25

Kɔnɔ ma ma min yen bɛ, ni ma ya ma yili-madiyɛ sa wo kuma, ma si ma munyu ha ma ni a sɔrɔn.

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

2 Kɔrɛnti 4:16

Ka a tɛgɛ wo ma, ma ti bandan, ado hali ma bagbuyi ye fagala doni-doninyɛ ma, ma niyi min bi ma rɔ, wo ye kurayala tele-wo-tele.

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

Tɔn-Fɔɛ-Fila-Nyɔgɛ 32:11

Mari ya Isirɛla mɔgɛnu makaran iko kokɛ tenbi ala dan karanna gban-bole la. Kokɛ si a nyagan wayan ala dan kɔrɔ. Ala dan tenbi bui-koe rɔ dugi ma, a si ta ala dan sigi a kɔɛ tɛma. Mari ya wole Isirɛla mɔgɛnu natanka bu-koe ma wo nya le.

Tɔn-Fɔɛ-Fila-Nyɔgɛ 33:25

Wola soenu da-balan-fannu, alamɛ wonu mara nɛgɛnu na wo kanan-koe la. Fananta wo ye wo kɛndɛ la, alamɛ fanka taranta wo bolo.”

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Hiburunu 12:3

Yisa ya min bɛɛ ma wo ye, wo ni wo miri wo le ma. A ya a munyu hakɛ-tiginuna wunduyogoyɛ kɔrɔ. Woletɔ wo yigi kana tɛgɛ. Wo kana bandan mumɛ!

Yasowa 14:11

n kɛndɛ kɛn kɛlɛ-kɛ-tinɛ iko Nɛbi Musa ye n natala wati min ka Kenan nyamanɛ mafɛlɛn.

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

Lankɛnimayɛ 2:3

Wo ara wo munyu nyagbɛ kɔrɔ ka tɔrɔyɛ sɔrɔn ndela ko la. Wo ma kuri.

Lankɛnimayɛ 4:7

Dali-fen fɔlɔtɛ manɛ iko yarɛ. A fila nyɔgɛ manɛ iko turɛ. A sawa nyɔgɛ manɛ iko hadama-den-yakɔrɛ. A nani nyɔgɛ manɛ iko bibi min kanban lafulennɛ.

Kɛlɛ-Kurugbɛnu 16:28

Samsin ya Mari rakele ko, “E, n tigi Alla, n bara i madiya, i miri n ma. Nna fanka lasɛgi n ma kɛ kelan rɔ alako n ni n tayili sara Filisiti kɛ kɛnu na minnu bara n ya-filɛ tii kɛ la.”