Aiseya 40:28 - ALLALA KUMƐ

²⁸ Wo ma a lɔn, ba? Wo ma a lamɔɛn nun, ba? Habadan-Alla le Mari la. Ale le ya duninya dan, yɔ! A ti bandan. A ti yunkun. Mɔgɔ-wo-mɔgɔ ti ke a miriya lɔnna.

Aiseya 40:28 ပူးပေါင်းရင်းမြစ်များ

Ko-Dabirɛnu 21:33

Iburayima ya kɔlɔma-nɛ do ki Biri-Siba dafɛ ka habadan-Mari-Alla bato nyɔ.

Yobu 38:18

I ya duninyala koloyɛ dan lɔn? Bawo i ya wo lɔn, nba, a fɔ n ye gbɛ!

Yaburi 138:8

I si koe bɛɛ latɔnbagaya iko i ye yili-madiyɛ kɛla nya min. Mari, ita keninteyɛ ti ban mumɛ! I wara wɔlɛ min dabira, i yandi, wo laban.

Yaburi 139:6

I ya n lɔn nya min, wo da-rakolo. N ti ke wo nya-yenna.

Yaburi 145:3

Mari makawara, ado a bɛnta, mɔgɛ ni a matɔgɔ. A makawa-nya ti yen.

Yaburi 147:5

Ma tigi-makawanɛ, ado a fanka kolo. Ala hɛnkilimayɛ nya ti ban yenna.

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 40:21

Wo ma a lɔn, ba? Min bara fɔ wo ye nun, bi ko ma wo la? Duninya dabirara nya min, wo ma wo lamɔɛn bɛ nun, ba?

Aiseya 42:4

A yigi ti tɛgɛ, ado ala kerinteyɛ ti dasa. A si telenbagayɛ ki dugu-kole kuma. A lakaran-sɔgɛ si wula-yanna-mɔgɛnu bira sokesoke!

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 59:1

Wo kana wo miri ko Mari rafaganɛ wo lakanan-koe la. Wo kana wo miri ko a wɔlɔ-gbereni de, a sa wo kan namɔɛnna.

Aiseya 66:9

Mari ko a ye wo nya na le fanan, buyi ti a lamaga, a rakolɔn ni to. Mari ko ni ile Yerusalɛm buyi ya i lamaga a ti tɔn sigi i ma sibolo-kurɛ sɔrɔn-koe la.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɛrɛmaya 32:17

“E, ma Tigi Mari, i ya san-kole anubɛ dugu-kole ladan ita fanka le la. I ti kuri fenfen na.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Maraka 16:14

A laban, Yisa bɔra gbɛ rɔ ala karan-den tan-ni-kelan ye, anu bi anu de-nyinina tumɛ min. A ya anu makuma anuna dɛnkɛninyabɛlitayɛ anubɛ anuna tolo-gbɛlɛyɛla ko la bawo minnu ya a nimɛ yen, anu ma la wonuna sereyɛ la.

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”

Luka 24:25

Yisa ya a fɔ kei filɛ wonu ye ko, “Wole ko-nya-yenbɛlɛnu? Nɛbinu ya min bɛɛ fɔ, wo ti la wonu na yona!

Yɔni 14:9

Yisa ya a yabi ko, “Filipi, ma ara mɛ ma nyɔgɔn fɛ wona kati! I ko ha bi, i ma n lɔn, ba? Min bara nde yen, wo ara n Fa Alla yen. Ile ye a fɔla kama worɔ ko n ni n Fa Alla yira wo la?

Yɔni 5:17

Yisa ya anu yabi ko, “N Fa ye wɔlila tuma-wo-tuma, ado fɔ nde fanan ni wɔli wo nya.”

Kɛwɔlɛnu 13:47

ado Mari ya min fɔ ma ye, wo le kɛ la. A ko, ‘N bara wo yabɔ alako wo ni ma waan la sibolo-gbɛrɛnu ye, ado duninya-mɔgɛ bɛɛ si nta kisi-koe lamɔɛn wole sebu la.’ ”

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

1 Kɔrɛnti 2:16

Iko a sɛbɛnɛ Allala kitabu rɔ nya min, “Yon ya Mari miriya lɔn? Yon si ke a makawandila?” Kɔnɔ malebɛ Kirasiti, miriya kelen de!

1 Kɔrɛnti 6:16

Wo ma a lɔn ba, ko kei min bara a fɛrɛ-bɔnkɛ tugun yɛlan la, anubɛ wo ma ma kelen na? Allala kitabu ya a lagbɛ ko, “Anu filɛ si ma fɛrɛ-bɔnku kelen na, wa?”

1 Kɔrɛnti 6:19

Wo ma a lɔn ba, ko wo fɛrɛ-bɔnkɛ, Allata Ni-Sɛnimɛta bato-bɔn le? Alla ya ata Ni-Sɛnimɛ min di wo ma, wo siginɛ wole le tɔ, ado wo sa wo nyɛrɛ bolo. Allatɛ le wole la.

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

Tɔn-Fɔɛ-Fila-Nyɔgɛ 33:27

Alla le wo dɛnbɛnɛ la kɛlɛ rɔ. Wo ye wo gbɔnkunna a rɔ. A ye wo kɔrɔbila. Wo tenbi tala, a ye wo yogenu gbenna wo yarɔ alako wo ni anu faga.

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

1 Samuwɛli 2:10

Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”