Aiseya 40:27 - ALLALA KUMƐ

²⁷ Kɛ dama rɔ, wole Isirɛla mɔgɛnu bi tola gbunyala ka a fɔ ko Mari ma wo tɔrɔ-koenu lɔn. Wo ko hali wo tora telenbɛlɛnu bolo la, Marita sa wo rɔ.

Aiseya 40:27 ပူးပေါင်းရင်းမြစ်များ

Yobu 23:14

Alla ara min natɛgɛ nde ye, a si wo lakanbali. A ara miriya min suma ka bɛn n ma, wo kelen de kɛ la.

Yobu 34:5

Ale Yobu ya a fɔ ka a gbɛ feu, a ko fɛɛ sa ale la. Ale le ya a fɔ fanan ko Alla sa ko-telenni kɛla a ye.

Aiseya 25:1

Mari, nta Alla le ile la. N si i matɔgɔ ka i gbiliya. I wara kabana-koenu kɛ. I wara min miriya nun, i wara wonu natɔnbagaya, bi ko ma.

Aiseya 44:21

Mari ko male Isirɛla mɔgɛnu, ma yili ni to kɛ ko. A ko ala wɔli-kɛlɛ le male la. A ya ma dan de ka ma ma ata wɔli-kɛlɛnu na, ado a ti nyina ma ko muk!

Aiseya 49:14

Kɔnɔ Yerusalɛm kɛnu bi a fɔla ko Mari ara a ban anu na. A ara nyina anu ko salon!

Aiseya 49:4

Kɔnɔ nde ko n bara wɔli-gbɛlɛmɛ kɛ fu! N bara n sɛbɛ don kɔnɔ n ma ko-bɛrɛ yen a rɔ. Fɔ Mari, wo le si nna wɔlɛ tɔnɛ yen. Alla si n barayi nna wɔlɛla ko la.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

1 Samuwɛli 27:1

Dawuda ya a fɔ a nyɛrɛ ma ko, “Tele-dande kɛ kɔrɔ, fɔ Mansa Sɔli kɛ wa n faga serr! Min fisa, n ni n buri tala Filisitinu bara la. Wo si a ma, Mansa Sɔli ni a bɔ n fɛ Isirɛla nyamanɛ kɛ rɔ, ado n si kanan worɔ.”