Aiseya 40:26 - ALLALA KUMƐ

²⁶ I yɛ layɛlɛ san-kole ma. I yɛ ye lole minnu na wo la, yon ya wonu dan? Min bi anu tatalala iko kɛlɛ-dannu, wo le ya anu yirika lɔn, ado a bɛɛ kelen-kelennamɛ tɔgɛ ye a bolo. A fanka makawara, hali lolo kolo-kelen-bɛrɛn ti tantan sɔgɔ.

Aiseya 40:26 ပူးပေါင်းရင်းမြစ်များ

Ko-Dabirɛnu 1:14

Wo kɔma Alla ko, “Fan donu ni taran san-kole rɔ minnu si waan raka alako ka suyi anubɛ tele dan-natɛgɛ lɔn wonu fɛ, anubɛ ka watinu dan-nafarɛ lɔn fanan.

Ko-Dabirɛnu 1:16

Alla ya wan-belebele fila dan, tele anubɛ karɛ, kɔni. Wan-kinamɛ ni mansayɛ kɛ tele rɔ. Wan-dɔgɔmɛ ni mansayɛ kɛ suyi rɔ. Wo kɔma, a ya lolenu dan.

Yaburi 102:25

Bi ma, duninya dan i bolo. I ya san-kole dan i nyɛrɛ kɔɛn le la.

Yaburi 119:91

Ha bi, fan bɛɛ ye a gbɛ rɔ iko i ya a fɔ nya min bawo ila wɔli-kɛlɛ le anu na.

Yaburi 121:1

N si n yɛ layɛlɛ kɔnkɛnu kuma kama? Nta dɛnbɛnɛ kɛ ye bɔla mintɔ?

Yaburi 19:1

San-kole fɔlɔfɔlɔn si Allata kabana-koe yira ma la. Alla ara min ma, wo ye wo le yirala ma la.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Aiseya 34:16

Wo ni Marita dali-fannuta buku bi ka a karan. Nima-fan kɛ su bɛɛ si taran nyɔ. Nima-fan bɛɛnubɛ ala musi si taran nyɔ. Mari nyɛrɛ ara ban a latɛgɛla wo nya na le. Ale nyɛrɛ-nyɛrɛ le si anu kele nyɔ.

Aiseya 42:5

Alla ya san-kole dan ka a rafulen san ma. A ya dugu-kole dan anubɛ a rakɛ-fannu. A ya niyi di mɔgɛ bɛɛ ma. Mari Alla ye a fɔla ala wɔli-kɛlɛ ye ko

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 48:12

Mari ko wole Isirɛla mɔgɛ minnu-yabɔnɛ a bolo, wo ni wo tole masɔ. A ko a dabirɛ le ale la, anubɛ a laban, ado a kelen pe le ye Allayɛ la.

Aiseya 48:13

A ya duninya kurukɛ a kɔɛn le la ka san-kole rafulen. A ko a wa dugu-kole anubɛ san-kole rakele, wonu si na sɔ a yakɔrɔ tiriya!

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.