Aiseya 40:24 - ALLALA KUMƐ

²⁴ Mansɛ wonu mani de iko ki-fan min bɔ-san anu suli labɔla. Mari wa fɔn-fɛlɛfɛlɛnɛ lana, anu si gbala iko bin-gbalɛ. Fɔnyɔ wo ni ta anu na pon!

Aiseya 40:24 ပူးပေါင်းရင်းမြစ်များ

2 Samuwɛli 22:16

Mari nyɛɛra a yogenu ma tumɛ min ka anu makuma, ma ya kɔgɔ-yi duma kole anubɛ dugi kuru-kɛ-tinɛ yen ma yɛ la.

2 Mansɛnu 10:11

Wo kɔma, Mansa Ehabu diyana-mɔgɔ wo, ala mɔgɔ-ba wo, ala saraka-masɔla wo, ala mɔgɛ minnu bi Yɛsɛreli soe burɔ wo, Mansa Yehu ya wo dama faga hali a tugura min na, a fereta min na.

Yobu 21:18

Mɔgɔ ti Alla yen anu fɛla iko bin-gbalɛ ni wo ma, iko fɔnyɔ ye tala gbangban min na.

Yobu 4:9

Alla wa anu fɛ, anu si halaki. Ni Alla fonde bɔra, anu si kasara.

Yobu 8:17

A si a sulinu mini kurinu ma ka nɔrɔn dandan ma.

Yaburi 58:9

Yanni anu ni a lɔn, anu ma ara lanfan iko binyɛ. Anu tenbi anu niyi la, ile Alla ni anu kɛndɛ firan ita fondo-bɔɛ la.

Yaburi 83:13

E, Alla, anu tanyɛnsɛn iko dugu-gbangban. Anu ni ma iko fɔnyɔ ye tala bin-gbalɛ min na.

Hɛnkilimaya-Kumɛnu 1:27

Hali tɔrɔyɛ ya wo bi iko fɔn-belebele si min ma ka wo yigi tɛgɛ, n si wo mayɛlɛn. Hali wo ye dumɛ rɔ, n si wo mayɛlɛn.

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Aiseya 17:11

Hali bagɛ wonu gbusura yona ka anu fere-nyimɛ labɔ, fenfen ti ma-a-la nyɔ. Fɔ tɔrɔyɛ anubɛ duma-dandanbɛlɛ tolon!

Aiseya 17:13

Hali sibolenu bi tugula a rɔ Isirɛla kan ma wo nya, Alla wa anu makuma, anu si sɛgi anu kɔma iko fɔnyɔ wa gbangban kɔ, ni wo ma, iko tɔnkɔlɔn wa bin-gbalɛ fɔrɔn.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 37:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, anu ni ale mansɛ faga nyɔ rɔ.”

Aiseya 40:7

Mari wa fɔnyɔ latugu anu ma tumɛ min, binyɛnu na si fɔsɔ, kɔn-ferenu si bɔ anu su la, ado mɔgɛnu siyi-fɛ ti yanya binyɛtɛ ko.

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 41:2

“Yon nara nɔli-kɛlɛ la ka bɔ tele-bɔɛ wara la? A wa ta kan-bo-kan, yon ye nɔli-sɛnbɛ dila a ma? Yon bi nɔ-ko-sɛnbɛ dila wo ma mansɛnu anubɛ nyamanɛnu kuma? Nɔli-kɛlɛ wola faan ye mɔgɛnu murumurula iko gbangban. Wola kalabɛn ye anu tanyɛnsɛnna iko fɔnyɔ wa bin-gbalɛnu fɔrɔn.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 23:19

Marita tɔrɔyɛ si tonkore sɔ karagbɛlɛ kɛnu na iko banda-fin-fɔnyɔ. Ata fondo-bɔɛ si karagbɛlɛ wonu kunyɛ ratii pɔ,

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Hoseya 13:3

Ka a tɛgɛ wo ma, anu si tunu yen, iko duri. Anu si ma iko fɔrɔn, fɔnyɔ ye tala min na. Anu mani de iko ta-sisi min bi bɔla nyandan-bɔn kuma.

Nehami 1:14

Mari ara ban kɛ latɛgɛla wole Asiriya kɛnuna ko la. A ko wo ti kegeya-wo-kegeya sɔrɔn minnu si to wo kɔmɛ lasabatila. A ko bɛsɛ minnu bi wola kɔ tinɛnu tɔ, a si wonu kasara pɔ! A ko a ye wole Asiriyanu kaburu-sinyɛ kun na kaka! Wo wunduyogo kati!

Hegayi 1:9

Wo yili-madiyanɛ ko wo si dɔn-fen-siyaman tɛgɛ kɔnɔ wo wa a tɛgɛ tumɛ min, a ma kolo. Wo wa na a la soe, a si ma iko fɔnyɔ wa sigi fen kɔrɔ. Nfen ya a to, n ya wo ma? Min ya a to, n ya wo ma kamasɔrɔn nta Bato-Bɔn wuyanɛ. Kɔnɔ wota bɔnnu, wo ye wonu nadanna a kin na wo nyɛrɛ ye.

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Sakaraya 9:14

Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.