Aiseya 40:22 - ALLALA KUMƐ

²² Duninya-dannɛ le siginɛ ala mansaya-waganɛ rɔ. A ye san-kole kɔma duninya kuma pon! Mɔgɛ mani de a yala iko mɛnɛ-mɛnɛnɛnu. A ya san-kole rafulen de iko yorolan, ni wo ma, fani-bɔn.

Aiseya 40:22 ပူးပေါင်းရင်းမြစ်များ

Ko-Dabirɛnu 1:6

Wo kɔma Alla ko, “Yi ni fara anu nyɔgɔn na. Do ni to san ma, do ni to dugu ma alako gbɛ ni taran yinu tɛma.” Yi farata anu nyɔgɔn na. Do tora san ma, do tora dugu ma. Gbɛ taranta yi wonu tɛma iko a ya a fɔ nya min.

Yobu 22:14

Ile miri ko, “Alla ti fenfen yen ka a tɛgɛ banda-finyɛ wola ko ma, ado a ye tagamana san-kole kun tɛma pon!”

Yobu 26:7

Alla le ya san-kole rafulen kan-tina-rakolɔn rɔ san ma. A ma dugu-kole dun fenfen na.

Yobu 36:29

Banda-finyɛ ye tala nya-wo-nya, mɔgɔ ma wo lɔn. San-gbalamɛ ye seren-serenna nya-wo-nya Alla warɛ san ma, mɔgɔ-wo-mɔgɔ ma wo lɔn.

Yobu 37:18

Ile si ke Alla dɛnbɛna san-kole rafulen tinɛ ka a manunku iko nyɛrɛ-mafɛlan min manunkunɛ pinapina?

Yobu 9:8

Mɔgɔ-wo-mɔgɔ ma Alla dɛnbɛ san-kole rafulen tinɛ. A kelen pe le si ke tagamana kɔgɔ-yi kuma.

Yaburi 104:2

I wara waan ma i nyɛrɛta duruku-ba la. I wara san-kole rafulen iko fani-bɔn.

Yaburi 18:11

A ya pinpi lamɔrɔmɔrɔ a nyɛrɛ ma. A lafoonɛ banda-fin-digidigi-wɛ la.

Yaburi 19:4

Hali anu bi kilayɛ min nakela, wo si ke duninya-tonke bɛɛ rɔ. Alla ya kan tinɛ do ladan tele ye san-kole ma.

Yaburi 2:4

Kɔnɔ ma Tigi min mayiginɛ Arinyɛni tɔ, wo ye anu mayɛlɛnna. A ye anu tasɛla ka a tɛgɛ anuna yanfanteyɛ ma.

Yaburi 29:10

Mari le fan bɛɛ kun na hali kɔgɔ-yi. A si to mansayɛ la burubukai!

Yaburi 68:33

Alla min bi san-kole rɔ kebi fɔlɔ, wo ni siginu sa a ye. Wo ni wo tole masɔ. A si a labira a kulu-mayɛlɛnɛ la.

Hɛnkilimaya-Kumɛnu 8:27

Alla ye san-kole rafulenna kɔgɔ-yi kuma tumɛ min, n bi nyɔ nun.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 37:16

“E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Aiseya 40:15

Fenfen ma sibolenu na Mari yala. Anu mani de iko yi-tinti kelan. Yi-tɛma-duginu fɛyanɛ iko gbangban.

Aiseya 40:17

Fenfen ma sibolenu na a yala. Anu ti ko-wo-ko nyinya ale ma.

Aiseya 42:4

A yigi ti tɛgɛ, ado ala kerinteyɛ ti dasa. A si telenbagayɛ ki dugu-kole kuma. A lakaran-sɔgɛ si wula-yanna-mɔgɛnu bira sokesoke!

Aiseya 42:5

Alla ya san-kole dan ka a rafulen san ma. A ya dugu-kole dan anubɛ a rakɛ-fannu. A ya niyi di mɔgɛ bɛɛ ma. Mari Alla ye a fɔla ala wɔli-kɛlɛ ye ko

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Yɛrɛmaya 10:12

Alla ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko nya-yen le la.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Yilan-Yilan Koe 13:33

Ma ya fanka-tiginu yen nyɔ minnu yan ma ko, anu kolo ma ko, ado fanka ye anu na ka tenbi male la pon! Anaki bɔnsɔn le mɔgɛ kɛnu na. Ma ya ma nyɛrɛ yen anu yakɔrɔ iko mɛnɛ-mɛnɛnɛnu. Anu fanan ya ma yen ka le.”