Aiseya 40:20 - ALLALA KUMƐ

²⁰ Ni a ma ke sɛnɛ anubɛ wodi-gbɛ sɔrɔnna, a si kɔn-mele donu bi min ti tuli. A si boloma-wɔli-kɛlɛ do nyini min kɛwu kɔlɔmanu lɛsɛla alako ala fen-lɛsɛnɛ wo kana na bui.

Aiseya 40:20 ပူးပေါင်းရင်းမြစ်များ

Aiseya 41:7

Kɔlɔma-lɛsɛlɛ ye a fɔla siyaki ye ko, ‘Wo ara bɛn.’ Min bi sɛnɛ nɔrɔla bɛsɛ ma, wo ye a gbangbannɛ matɔgɔla. Kɔlɔma-lɛsɛlɛ ye a fɔla sɛnɛ-tatugulɛ ma ko, ‘Ila wɔlɛ wo ara bɛn gbetu!’ Wo kɔma, a si bɛsɛ wo gbangban kan tinɛ do rɔ anu dɛnbɛn-koe la a ti bui kan min.”

Aiseya 44:12

Siyaki wo si nɛgɛ-kundi do bi ka a ladon tɛ rɔ. A si kundu-wɛ bi ka a ratugu a sɛnbɛ la alako a ra ni bɛn yɔnyɔn! A tenbi wɔlɛ wo kun na, kan-nagbalɛ anubɛ kɔnkɛ anubɛ bandan ye ale forongbanna.

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Daniyɛli 5:4

ka anuna bɛsɛnu kɔ. Bɛsɛ wonu nadannɛ sɛnɛ la anubɛ wodi-gbɛ, anubɛ silɛɛ, anubɛ nɛgɛ, anubɛ kɔlɔma, anubɛ kuri.