Aiseya 40:2 - ALLALA KUMƐ

² N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Aiseya 40:2 ပူးပေါင်းရင်းမြစ်များ

Ko-Dabirɛnu 34:3

A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye.

2 Ko-Kɔrɔta-Karan 30:22

Mansa Hɛsakaya ya Lifayinu matɔgɔ ka a tɛgɛ anu ya Mari bato nya min ka ladɛn kɛ a kilɛ fɛ. Tele wɔrɔnfila dɛgɛdɛgɛ, Isirɛla mɔgɛnu bi sarakɛnu bɔla anuta Mari Alla ye. Wo kanɛ a la,

Yaburi 32:1

Ale min hakɛ ma ara koto, mɔgɔ-sewanɛ le wo tigi la. Mɔgɔ-sewanɛ le wo tigi la min sɔn-yogomɛ yama ara togon.

Yaburi 85:3

I ya i fara diminyala anu ma. I ya a ma, ita diminya-belebele ma kɛ anu ma.

Makawandili Kumɛnu 3:4

Di-kɛ-wati ye nyɔ, yɛlɛn-wati ye nyɔ. Nimisa wati ye nyɔ, dɔn-kɛ wati ye nyɔ.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 14:3

Mari si Isirɛla mɔgɛnu bɔ dumɛ anubɛ tɔrɛ rɔ ka lafɛrɛ di anu ma. Anu bi anu fɔrɔsɛla wɔli-gbɛlɛmɛ minnu ma nun, a si anu kunyɛ bɔ wo kɔrɔ.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Aiseya 33:24

Mɔgɔ-wo-mɔgɔ ti kiraya-koe fɔ mala nyamanɛ rɔ, ado hakɛ bɛɛ ma si koto.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 49:25

Mari ko wo ye nala mala le yati! Mɔgɔ-biranɛ si a porokɔlɔ kɛlɛ-nyana bolo. Kɛlɛ-dannu ya min bi kɛlɛ kuma, wo si toronde anu na. Mari ko mɔgɔ-wo-mɔgɔ ya ile Yerusalɛm kɛlɛ, ale fanan si wo tigi kɛlɛ. A si to ila dannu kunyɛ bɔla gbaran rɔ.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Aiseya 54:15

A ko a ti mɔgɛ latugu i kan ma tun. Min ba na a kɛ i ma, i si wo sɔnsɔn.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 6:7

A ya ta-wɔlɔn wo tugu n da-gbole la. A ko, “Kɛ tugi i da-gbole la, i hakɛ bɛɛ ma ara koto, i yulumu ara ban.”

Aiseya 61:7

Wola miliyɛ si a laban wo bolo fen-tigiya-wa-belebele ma. Fen-tigiyɛ wo si a ma, wo ni sewa-belebele-wɛ kɛ. Mari si wola nyamanɛ kɛ nyɔgɔn fila di wo ma tun. Tɛtɛgɛ-wo-tɛtɛgɛ ti taran wola sewɛ la muk!

Aiseya 66:13

Mari ko a yɛyɛ si to wo fɛ iko denbɛ-yɛyɛ ye tola ala dan fɛ nya min, ado Mari-yɛyɛ si to ile Yerusalɛm fɛ wo nya na le.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 17:18

Minnu bi n yakɔrɔ-mamɔla, alamɛ wonu yarabira miliyɛ bolo pɔ! I yandi, n Mari, i kana n namiliya. Anu kumakɔ n ye kɔnɔ i kana sɔn, nde kun ma ni kɔ. Alamɛ i ya kasarɛ sigi n yogenu ma. I ni anu tinya ka anu tabunden n ye iko kɔrɛ.

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Yɛrɛmaya 51:10

Mari ko ala mɔgɛnu bi a sɔnkɔla ko Mari ye a yirala ko yoe ye anu bolo. Anu ko anuta Mari Alla ara min ma, anu ni ta wo fɔ Yerusalɛm kɛnu ye.

Nimisa Koe 4:22

Yerusalɛm kɛnuta tɔrɔyɛ dan na ara tenbi. Mari ti sɔn anu ni ta biralɛ rɔ tun. Kɔnɔ lunyɛ do, a si wole Idɔm kɛnu tɔrɔ ka wo hakɛ labɔ gbɛ rɔ.

Isikiyɛli 16:42

Wo wa ma tumɛ min, nta diminyɛ si ban. N yisi si kimɛ worɔ poi! N yisi ti bɔ tun. N ti i makeliya tun.

Daniyɛli 11:35

Kun-tigi-hɛnkilimɛ donu si faga kɔnɔ a toe minnu bi tola, wonu si anu sɔ anuna telenbagayɛ rɔ gben! Anu bi tola wo le kun na ha Allata wati-latɛgɛnɛ ni ke.

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Daniyɛli 12:9

A ya n yabi ko, “Daniyɛli, ta i ye bawo kumɛ kɛ si to gbundi rɔ ha watila ban.

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Hoseya 2:14

N bi nala tala a la wulɛ rɔ. N ba ke a la nyɔ, n si a manugu-nɛgɛ-kumɛnu fɔ alako n ni diya a ye tun.

Hoseya 2:16

Wo wati rɔ, a si n kele ko, “N buin.” A ti n kele tun ko, “N tigi.”

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Sɛfanaya 3:15

Mari ara wota tɔrɔyɛ ban. Wo yogo-wo-yogo sa tun. Mari, Isirɛla mansɛ, ye wo fɛ. Wo kilan-kunya fenfen sa.

Sakaraya 1:13

Melika min bi ko-rayirɛ kɛ kɔrɛ yirala n na, Mari Sɛnbɛ-Bɛɛ-Tigi ya yisi-kima-kumɛ fɔ wo ye.

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Sakaraya 9:12

Yigi ye wole mɔgɔ-biranɛ minnu bolo, wo ni wo sɛgi tun wola so-latankanɛnu tɔ. Wo ara min bɛɛsi nyɔgɔn tɔrɔyɛ dunu, a ko a si wo nyɔgɔn fila duwɛ di wo ma.

Kɛwɔlɛnu 1:7

Yisa ya a fɔ anu ye ko, “Wati wonubɛ anu kɛ-tumɛ, n Fa Alla ara wonu natɛgɛ a nyɛrɛta sɛnbɛ la. Alla sa a fɛ, wo ni wonu kɛ-tumɛ lɔn.

Kalesiya 4:4

Kɔnɔ Allata wati-latɛgɛnɛ kera tumɛ min, Alla ya ala dan sɔ. A sɔrɔnta musi le bolo. A makolota Nɛbi Musata tɔn-kitabu kɔrɔ

Lankɛnimayɛ 18:6

Wo ni a bira iko a ya wo bira nya min. Wo ni wo tayili sara kinyama fila ala wɔli-yogomɛ wola ko la. A ya minni-fen-kunayanɛ min tabɛn wo ye, wo ni ala yi-lafɛ lafa wo nyɔgɔn fila la a ye.