Aiseya 40:11 - ALLALA KUMƐ

¹¹ A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 40:11 ပူးပေါင်းရင်းမြစ်များ

Ko-Dabirɛnu 33:13

Kɔnɔ Yakoba ya a fɔ a ye ko, “I ya a lɔn ko nta dennɛnu kian ra ma gbɛlɛ tagama tinɛ. Kolo-fen-denbɛnu bi n bolo fanan. Ni mɔgɔ telenta anu nagbengbenna gbɛn, kolo-fen-dan wo dama si faga.

Ko-Dabirɛnu 49:24

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 27:10

Hali n fa anubɛ n na wa n boloka, ile Mari si n kumafɛlɛn.

Yaburi 28:9

E, Mari, ila mɔgɛnu nakisi. I ni ita duwɛ layigi anu kuma. I ni ma anu makandannɛ la iko saga-kandanna-nyimɛ si sagɛnu makandan nya min. I ni to anu fɛ-birala tɛban!

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Aiseya 42:3

A ti kala-tadunɛ rakeri. A ti lɛnpu-mayiginɛ ladufen. A si telenbagaya-banbɛlɛ lana duninya ye.

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Isikiyɛli 34:15

Nde nyɛrɛ-nyɛrɛ si ma nna sagɛnu fɛ-biralɛ la. N si sulen-tina-hakikɛ di anu ma. Nde, anu Tigi Mari ara ban kɛ fɔla.

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Isikiyɛli 34:2

“Ile hadama-dan, wɔlɔyiya-kumɛ kɛ latenbi Isirɛla mɔgɛnuna kun-tiginu ma. Nde, anu Tigi Mari ye min fɔla, wo fɔ anu ye. Gbalo ye anu denu Isirɛla fɛ-biralɛnu ma. Anu bi anu nyɛrɛ fɛ-birala kɔnɔ anu sa anuna sagɛnu fɛ-birala, Isirɛla mɔgɛnu, kɔni.

Isikiyɛli 34:23

N si mansɛ di anu ma iko nta wɔli-kɛla Dawuda ye saga-fɛ-birayɛ la nya min nun. Wo kelan si anu fɛ-bira a kin na!

Isikiyɛli 34:31

N Tigi Mari ko wole min bi ata sagayɛ la, ata mɔgɛ le wole la. Wole fananta Alla le ale la.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Sakaraya 11:7

Woletɔ minta ye sagɛ wonu na, wonu ya nde, Sakaraya ma saga-fɛ-biralɛ la sagɛ wonu ye minnu bi nala fagala. N ya saga-lagbengben-kɔlɔma fila bi. N ya kelan wo tɔgɔ sa “Diyanayɛ,” n ya doi wo tɔgɔ sa “Kan kelan.” N ya saga-fɛ-biralayɛ dabira.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”