Aiseya 40:10 - ALLALA KUMƐ

¹⁰ Ma Tigi Mari ye nala maralɛ-kɛla sɛnbɛ la. A ara mɔgɛ min kunyɛ bɔ birɛ rɔ, a si na wonu na.

Aiseya 40:10 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Yaburi 110:6

A si sibolenu kiti ka kɛlɛ-kɛ-tinɛnu nafa furi la pen! A si mansɛnu nɔ dugu-kole bɛɛ kuma.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Aiseya 49:4

Kɔnɔ nde ko n bara wɔli-gbɛlɛmɛ kɛ fu! N bara n sɛbɛ don kɔnɔ n ma ko-bɛrɛ yen a rɔ. Fɔ Mari, wo le si nna wɔlɛ tɔnɛ yen. Alla si n barayi nna wɔlɛla ko la.

Aiseya 51:5

A ko a si na tiriya ka wo lakisi. Lakiti-tumɛ ara gbɛrɛn a bolo. A ko ale nyɛrɛ si mansayɛ kɛ sibolenu kuma. Wula-yanna-nyamanɛnu bi a makɔnɔ tinɛ le. Anu bi a makɔnɔna anu kisi-koela ko la.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Aiseya 59:15

Hali tonyɛ nyantaranɛ, a ti yen kan-bo-kan, ado ni mɔgɛ ya a fara ko-yogoma-kɛ la, anu si wo bira boloko-yogomɛ-kɛ.” Mari ya a kolan lakalan, a ma ke telenbagaya fenfen yenna mɔgɛnu tɛma. Wo ya a ma, a kɔrɔtɔra.

Aiseya 59:16

A ma mɔgɔ-den-kelen yen anu tɔ min si hina bolo-kolɔnnu na. Wo ya a tɛrɛna, a ma mɔgɛ yen anu tɔ min si dɛnbɛnɛ kɛ. Wo le ya a ma, Mari ya a fanka lawɔli ka mɔgɛnu dɛnbɛ alako anu si sɛnbɛ sɔrɔn nya min.

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Aiseya 62:11

Mari ye a fɔla duninya mumɛ bɛɛ ye ko a ye nala Yerusalɛm kɛnu nakisila, ado a ara minnu kunyɛ bɔ biralɛ rɔ, a ye nala wonu na tun.

Aiseya 63:5

A ko a ya a kolan lakalan kɔnɔ a ma a dɛnbɛna fenfen yen. A ara tɛrɛna, a ma mɔgɔ-den-kelen yen min si a dɛnbɛ. Woletɔ a ko a nyɛrɛta fondo-bɔɛ ya a sɛnbɛ don. A ko a nyɛrɛ kɔɛn le ya a ma, a ya nɔlɛ kɛ.

Yɛrɛmaya 31:16

Kɔnɔ Mari ko a ni a fara diyi la. Ale Resɛli ni a yɛ lafiran. A ko a ara wɔlɛ minnu kɛ ala dannu ye, a si a kɔndɔn sɔrɔn wo rɔ. Ala dan wonu si bɔ anu yogenuna nyamanɛ rɔ ka sɛgi anu halala-nyamanɛ rɔ.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Yɔni 12:13

anu ya tin-yanbɛnu bi ka ta a labɛn tinɛ. Anu bi a fɔla kan-ba la ko, “I ni sɛnɛ! Min bi nala Mari tɔgɛ rɔ, Allata duwɛ ni to wo kuma! Allala duwɛ ni to Isirɛla mansɛ fɛ!”

Yɔni 12:15

“Yerusalɛm mɔgɛnu, wo kana kilan! Wola Mansɛ ye nala wo wara kaka, a siginɛ sofɛli-bulan la.”

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Lankɛnimayɛ 22:12

Yisa ko, “Wo ni wo tole masɔ! N bi nala tiriya! N si na nta barayi la n bolo ka a di mɔgɔ kelen-kelennamɛ-bɛɛ ma iko ata kɛwɔlɛnu bi nya min.