Aiseya 39:6 - ALLALA KUMƐ

⁶ wati do ye nala, i wara fen-kolomɛ minnu nadɛn ila bolɔn la wo, i benbanu bara fen-kolomɛ minnu nadɛn wo, wo bɛɛ si ta Babilɔn nyamanɛ rɔ. A ko hali wo kelen ti to yan.

Aiseya 39:6 ပူးပေါင်းရင်းမြစ်များ

2 Mansɛnu 24:13

Mansa Nɛbukanasa tara fen-kolomɛnu bi Mari Bato-Bɔn anubɛ mansɛla bolɔn la iko Mari ya a fɔ nya min nun. Mansa Silamɛni ara sɛnɛ sa Bato-Bon-miran minnu ma fɔlɔ, Mansa Nɛbukanasa ya sɛnɛ bɔ wonu ma ka ta anu na.

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

2 Ko-Kɔrɔta-Karan 36:18

Babilɔn mansɛ wo tara Bato-Bɔn fen-kolomɛ bɛɛ la a bolo a warɛ pon! Hali Yuda mansɛ anubɛ ala mɔgɔ-banuna bolo-fannu, a tara wo damasi la.

Yɛrɛmaya 20:5

Mari ko a si wola so-karantan kɛ fen-kolomɛnu di wo yogenu ma Babilɔn nyamanɛ rɔ. Wola mirannu wo, wola mansaya-fen-kolomɛnu wo, wo si foo wo dama la.

Isikiyɛli 23:26

Anu si ila kurɛnu bɔ i ma ka i mɛlan to. Anu si ila fen-kolomɛ bɛɛ toronde i la.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Daniyɛli 1:3

Isirɛla kemini minnu bɔra mansaya-bɔn anubɛ tɔgɔlamɛnuna bɔn la, ale mansɛ ya a fɔ ala kandɛ ye min tɔgɛ Asipinasi ko a ni ta wo donu yatɔnbɔn.