Aiseya 38:20 - ALLALA KUMƐ

²⁰ N Mari, i si n nakɛndɛya. Ma si sɔrɔnnu fɔ ka sewa-bɛtinu bɔ i ye. Fananta ma ye ma niyi la, ma si sewa-siginu sa i Bato-Bɔn la.

Aiseya 38:20 ပူးပေါင်းရင်းမြစ်များ

Yaburi 104:33

N si bɛtinu bɔ Mari ye n siyi-tele bɛɛ rɔ. Fananta n bi n niyi la, n bi tantoli-bɛtinu bɔla nta Alla ye.

Yaburi 116:2

A ya a wɔlɔ matɔlɔ n na min kɛ, n si to a rakelela n siyi-tele-bɛɛ rɔ.

Yaburi 145:1

E, nna mansɛ Alla, n si i makawa-nya lawanka mɔgɛnu ye. N si to i tantola habadan!

Yaburi 145:2

Tele-wo-tele, n si baraka bira i ye. N si i tɔgɛ gbiliya burubukai!

Yaburi 146:2

Fananta n bi n niyi la, n bi a matɔgɔla. N si bɛti bɔ nta Alla ye n siyi-tele-bɛɛ kɔrɔ.

Yaburi 150:4

Wo ni a tanto wasanbɛ anubɛ dɔn-kɛ la. Wo ni a tanto bɔlɔn anubɛ fuli la.

Yaburi 33:1

Wole minnu telennɛ, wo ni a lawɔyɔ sewɛ bolo ka a tɛgɛ Mari ara min ma wo ye. Wole minnu bi ala kumɛ birala, wo ni a matɔgɔ.

Yaburi 33:2

Wo ni sɔrɔn fɔ ka baraka bira Mari ye. Wo ni fɔli-fannu kɛ-a-rɔ ka a matɔgɔ-bɛti bɔ.

Yaburi 51:15

E, n tigi, ni i ya n dɛ fulen, n si i matɔgɔ ka i tanto.

Yaburi 68:24

E, Alla, bɛɛ ara ila nɔli-tolon yen. Ile Alla min bi mata mansɛ la, i ye tala i Bato-Bɔn la.

Yaburi 68:25

Sigi-salɛnu bi yarɔ, fɔli-kɛlɛnu bi i kɔma. Sunkurɔn minnu bi wasanbɛ lamagala, wonu bi anu tɛma.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Yona 2:10

Mari ya a ma, yɛgɛ ya Nɛbi Yona lateseri kɛnkɛn ma.

Habakuku 3:19

Ma tigi Mari le n sɛnbɛ la. A ya n kian banban dugi ma iko mina ka n nakanan kɔnkɛnu kuma.