Aiseya 38:16 - ALLALA KUMƐ

¹⁶ Mari, mɔgɛnu bi nyɔ i kelen pe lela ko la. N nakɛndɛya. N ni to n niyi la.

Aiseya 38:16 ပူးပေါင်းရင်းမြစ်များ

Yaburi 119:25

N bi n masɔrɔkɔnna gbangban rɔ nɔlɛ bolo. I yandi, n niyi lasɛgi n ma tun iko i wara n yili-madiya nya min nun.

Yaburi 119:71

Nna tɔrɔyɛ bɛnta n ma bawo wo le ya a ma, n ya ita sereyanu lɔn.

Yaburi 119:75

Mari, n ya a lɔn yati, ko ita kiti-tɛgɛ-nya telennɛ le sekeke! Ni i ye n tɔrɔla kɛ nya, n ya a lɔn ko lanaya-tigi le ile la.

Yaburi 30:3

Mari, i ya n niyi lasɛgi n tɔ. I ma sɔn n ni ta lakira. A ara to nun se, n ni ta kolo-gbɛ-dugu kɔnɔ ile ya n niyi lasɛgi n ma.

Yaburi 39:13

I masɛgi n na alako n ni sewa tun. A ti mɛ tun, n si a fesakɔrɔ ka faga.

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Aiseya 64:5

Mɔgɛ min sewanɛ ko-telenni-kɛ la, i ye wonu dɛnbɛna. Minnu bi anu mirila ko anu ni ma iko i miriya ye anu ma nya min, i ye wonu fanan denkunna. Kɔnɔ i yisi kɔrɔtɔra ma ma bawo ma tora hakɛ kɛla nun, ado ita tɔn-tinyɛ ara ma ma kɛ-nya le la. Ma si kisi kama gbɛ?

Matiyu 4:4

Yisa ya a yabi ko, “A sɛbɛnɛ Allata kitabu rɔ ko, ‘Hadama-dan ti a to dɔntɛ dɔrɔn ma kɔnɔ a si Allala kumɛ ma ata dɔn-fan la.’ ”

1 Kɔrɛnti 11:32

Mari ye ma kitila ka ma tɔrɔ kaka alako mabɛ dɛnkɛninyabɛlɛnu kana halaki ma nyɔgɔn fɛ kiti-tɛgɛ-lunyɛ.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Tɔn-Fɔɛ-Fila-Nyɔgɛ 8:3

A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.

Hiburunu 12:9

Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.