Aiseya 38:14 - ALLALA KUMƐ

¹⁴ N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Aiseya 38:14 ပူးပေါင်းရင်းမြစ်များ

Yobu 17:3

E, Alla, i ni ma n kunkalɛ la. Yon si n dɛnbɛ nna kumɛ kɛ rɔ ile kɔma?

Yobu 30:29

N kuman-kan makinikininɛ. N kuman-kan manɛ iko wulu-feremɛ anubɛ gbingbinnyagan-kan.

Yaburi 119:82

N yɛ ara mɛ gbalani kilɛ la, ado a ma ara bira ita lanyirila ko la woletɔ n ya i manyinika ko, “I si n dɛnbɛ muntuma?”

Yaburi 143:7

E, Mari, n denkun tiriya bawo n yigi ara tɛgɛ. I kana i dogon n kɔrɔ. Ni i ya wo ma, n si taran mɔgɔ-faganɛnu tɛma lakira.

Yaburi 55:2

I ya-lamunun n na ka nta madiyali-kan lamɔɛn. Hɛnkili-lamiri ara a ma, n fɛrɛ ara ban.

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Aiseya 59:11

Ma dama ye kurunna iko suluki. Ma kuman-kan makinikininɛ iko purulantɛ. Ma ye ma yɛ lakalanna telenbagayɛ ma kɔnɔ ma sa a yenna. A sɔgɛ ye ma la, ma ni kisi kɔnɔ kisi-koe fɛ-yan ma la pon!

Nimisa Koe 4:17

Ma ya ma yɛ lakalan ma dɛnbɛn-koe ma furr, kɔnɔ ma ma a sɔrɔn. Ma mɛra makɔnɛ kɛla. Ma ko, “Tumado sibolo-gbɛrɛ do si na ma dɛnbɛ” kɔnɔ ko-wo-ko ma bɔ wo rɔ.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Nehami 2:7

Anu ya wola mansɛla musi bira ka a makolɔn labɔ luyi ma. A fɛ-biralɛnu bi dila a fɛ iko purulannu. Anu bi anu kɔgɛ magbesila yisi-tinya bolo.

Nehami 2:8

Wole Ninɛfa kɛnu bi wo burila wo yogenu kɔrɔ iko balan wa keri, wo yi ye a burila yigila nya min. Wola kɛlɛ-den-kunyɛnu bi a fɔla ko, “Wo ni wo sɔ. Wo kana ta.” Kɔnɔ hali mɔgɔ-den-kelen ma a yɛ lasɛgi anu ma.

Hiburunu 7:22

Nba, ka a tɛgɛ Alla sarata min ma, wo le ya a ma, Yisa mara mɔgɛ la min ya a yira bɛrɛbɛrɛ-wɛ-kɛ ko ale sarama-kan-kurɛ, wo tenbira a fɔlɔtɛ la.