Aiseya 37:6 - ALLALA KUMƐ

⁶ nde fanan ya n sara Mansa Hɛsakaya wara. N ko, “Ni Asiriyanu bi a fɔla ko Mari ti ke anu kisila, hali kumɛ wo ma a rakilan.

Aiseya 37:6 ပူးပေါင်းရင်းမြစ်များ

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 37:5

Nde, Aiseya ya Mansa Hɛsakayata kilayɛ lamɔɛn tumɛ min,

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 7:4

A ko n ni a fɔ mansɛ ye ko a kana kilan. A yisi ni kimɛ poi! A ni a yɛ bɛn Alla ma. Mansa Risen anubɛ ala Siriya kɛlɛ-dannu wo, anubɛ Mansa Peka wo, a ko wonuta yisi-bɔ-masibɛ ma yogo ka ke sɔgɔ-kundu fila sisi rɔ.

Saraka-Masɔlɛnuta Tɔnnu 26:8

Wole mɔgɔ loli si ke le mɔgɔ kɛmɛ gbesila. Wo mɔgɔ kɛmɛ si ke le mɔgɔ waga tan forondola.

Maraka 4:40

Wo kɔma, Yisa ya a fɔ anu ye ko, “Nfenna wo kilannɛ? Dɛnkɛninya sa wo bolo, wa?”

Maraka 5:36

Anu ya min fɔ, Yisa ma a tole masɔ wo la fɔ ka a fɔ Yairasi ye ko, “I kana kilan. Dɛnkɛninya tun!”

Yasowa 11:6

Mari ya a fɔ Yasowa ye ko, “I kana kilan mɔgɛ kɛnu na. N si mɔgɛ kɛnu don wo bolo. Yanni kɛ-nyɔgɔn-tumɛ sina, anu bɛɛ si faga. Wo ni anuna soeenu kin-kɔma-fasɛnu natɛgɛ ka anuna kirindinu mintan.”