Aiseya 37:37 - ALLALA KUMƐ

³⁷ Woletɔ ale Sɛnakaribu sɛgira a kɔma Ninɛfa soe burɔ.

Aiseya 37:37 ပူးပေါင်းရင်းမြစ်များ

2 Mansɛnu 19:1

Mansa Hɛsakaya ya kumɛ wonu namɔɛn tumɛ min, a ya ala duruki rafara yisi-tinyɛ bolo. A tara kasa-kurɛ don a kan na. A tara Mari Bato-Bɔn la.

2 Ko-Kɔrɔta-Karan 32:1

Mansa Hɛsakaya ban ko-telennɛ kɛnu mala Mari ye, Asiriya Mansa Sɛnakaribu tara bui Yuda nyamanɛ ma. Tarɛ mininɛ soe minnu ma, ala kɛlɛ-dannu ya kurɔn don wonu ma. A hɛnkili latɛgɛnɛ ko a si wonu nɔ le.

Aiseya 31:8

Asiriyanu-kunyɛ si to kɛlɛ rɔ kɔnɔ mɔgɔni-gbuta sɛnbɛ ma wo la de! Asiriyanu si anu buri kɛlɛ kɔrɔ. Anuna fonikenu si ma yɔɔnnu na.

Aiseya 31:9

Anuna mansɛ si a buri kilan bolo. A kɛlɛ-kurugbɛnu si anu buri ka nyina anuna tamasere falafalɛ ko. Mɔgɛnu si Mari min bato Yerusalɛm, minna saraka mintan tɛ ti dufen nyɔ mumɛ, wo kan le kɛ la.

Aiseya 33:19

Sibolo-gbɛrɛ-wasitenu ti kuma sɔ wo ma tun minnu kan ma gbɛ wo bolo.

Aiseya 37:29

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ-sɔgɔ-lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

Aiseya 37:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, anu ni ale mansɛ faga nyɔ rɔ.”

Yona 1:2

“I lasɔ, i ni ta Ninɛfa so-karantan rɔ ka nyɔ-mɔgɛnu makuma. Mɔgɛ wonuna ko-yogomɛ ara n tabɔ.”

Yona 3:3

Nɛbi Yona ya Mari kuman-kan to a gbɛ rɔ. A tara Ninɛfa. Ninɛfa wo, so-belebele le wo la. Mɔgɛ si tele sawa bɔ soe wo ratɛgɛ tinɛ.

Yona 4:11

Nfen ya a to gbɛ, nde ti kinikini Ninɛfa mɔgɛ kɛnu ma? I miri de, dennɛ minnu bi Ninɛfa soe kɛ rɔ minnu ma anu hɛnkili sɔrɔn bɛ, anu tenbira mɔgɔ waga kɛmɛ ani mɔgɔ waga mogan na (120,000). Hali kolo-fannu, wonu fanan siya. Nde kana kinikini so-karantan-kɛ-mɔgɛnu ma wo rɔ, wa?”

Maika 5:6

Nimirɔdi ya Asiriya nyamanɛ min dabira, ma si nyɔ-mɔgɛnu nɔ mala kɛlɛ-kɛ-fannu na. Asiriya mɔgɛnu ba na bui ma ma tumɛ min, mala kun-tigi-wɛ wonu si ma kisi anu masibɛ ma.

Nehami 1:1

Wɔlɔyiya-kumɛ le kɛ la Ninɛfa soela ko la. Ko-rayen kɛ kɛra nde, Nɛbi Nehami ye min bɔra Ɛlikosi soe burɔ.

Sɛfanaya 2:13

Mari ko a si Asiriyanu kasara ka anuna Ninɛfa so-karantan ma tonbɔn la iko yi sa wula-da-rakolɔn min tɔ.

Matiyu 12:41

Ninɛfa so-burɔ-mɔgɛnu si anu nasɔ kiti-tɛgɛ-lunyɛ ka wo maburi bawo wonu ya Nɛbi Yonala kawandilɛ lamɔɛn tumɛ min, anu ya anu kɛ-nya yɛlɛma. Nba, n bi a fɔla wo ye ko mɔgɛ do ye yan min kolo Nɛbi Yona ko pirr!