Aiseya 37:31 - ALLALA KUMƐ

³¹ ko a mɔgɛ toe min tonɛ Yuda nyamanɛ rɔ, wonu si sabati iko ki-fan min bi a suli layigila dugi rɔ pon, ka gbɔ-nyimɛ kɛ.

Aiseya 37:31 ပူးပေါင်းရင်းမြစ်များ

Yaburi 80:9

I ya nyɔ kumaka alako a ni nanfa. A suli yigira saru! A ya a bolɔnnu nata nyamanɛ-tonko-nanɛ bɛɛ rɔ.

Yaburi 92:14

Hali anu bara kɔrɔya, anu si gbɔ iko kɔlɔma wonu. Anu nɔrɔnnɛ, ado anu tagbɛlɛyani de tolon!

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Aiseya 37:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla madiya ma ye.”

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Aiseya 65:9

A si a ma, Yakoba kegeyɛ donu ni to a niyi la. Ata kɔnkɔ-nyamanɛ ni ma Yuda bɔnsɔn donuta kɛɛ la. A si mɔgɛ donu yabɔ minnu si sigi nyɔ. Ata wɔli-kɛlɛ wonu si to sigini nyɔ rɔ.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Yɛrɛmaya 31:7

Mari ko bɛɛ ni sewa ka sigi sa wole, Isirɛla mɔgɛnuna ko la. Anu ni anu kuli mayɛlɛ Isirɛla nyamanɛla ko la min makawanɛ nyamanɛ bɛɛ ko. Anu ni matɔgɔ-bɛtinu bɔ ko, “Mari ara ala mɔgɛnu nakisi. A toe min tonɛ, a ara wo bɛɛ kunka.”

Yɛrɛmaya 44:28

Wo mɔgɔ-dande si wo buri ka bɔ Iyipiti ka ta Yuda. Wo dande min bi tola, wo si a lɔn ni tonyɛ ye minta kumɛ la, wotɛ wo, Maritɛ wo.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Romu 11:5

Hali kaka, a ye wo nya na le. Anu dande le nyɔ Alla ara minnu yabɔ ka hina anu na.

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,

Kalesiya 3:29

Ni Kirasititɛ le wole la, Iburayima bɔnsɔn le wole la worɔ, ado Alla ara lanyiri kiri Iburayima ye min na, wo si wotɛ sɔrɔn lanyiri wo rɔ.