Aiseya 37:19 - ALLALA KUMƐ

¹⁹ ka anuna bɛsɛnu mintan, ado ma ya a lɔn ko Alla ma wonu na. Kɔlɔma anubɛ kuru-lɛsɛnɛ le wonu na dɔrɔn. Anu nadannɛ hadama-dan bolo la.

Aiseya 37:19 ပူးပေါင်းရင်းမြစ်များ

2 Samuwɛli 5:21

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Mansa Dawudala keminɛnu ya wonu bi ka ta anu tinya.

Bɔ-Koe-Iyipiti 32:20

Musa ya ninki-danla muninyɛ wo bi ka a lakɛ tɛ rɔ. Wo mintanta tumɛ min, a ya a bunden ka a munke kɛ yi rɔ. A ya yi wo di Isirɛla mɔgɛnu ma ko fɔ anu ni wo min.

Aiseya 10:7

Mari ko karagbɛlɛyɛ rabɛnnɛ Asiriya mansɛ nyɛrɛ bolo sibolo-gbɛrɛnu kan ma. A ara a wakila ka anu siyaman kasara.

Aiseya 17:8

Anu ya saraka-mintan-tinɛ minnu nadan anu bole la, anu si tɛgɛ wonu tɔ kasikasi! Anuna bɛsi-musi min tɔgɛ Asɛra anubɛ wola isɛnti mintan tinɛnu, anu hayu ti taran wonu na tun!

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Aiseya 26:14

Kɔnɔ ma ye minnu kɔrɔ nun, wonu bara faga. Wonu ti beli tun. Hali anu pulan ti bɔ bawo i wara ban anu kasarala nun. Mɔgɔ-wo-mɔgɔ miri sa anu ma tun.

Aiseya 41:24

Fufafuyi le wobɛ wola wɔlɛ wonu na. Wo kɔlɛnu manyimani de!

Aiseya 41:29

“Fufafuyi le bɛsɛ wonu na. Anu ti ko-wo-ko nyinya. Anu dama rafaganɛ, sɛ sa bɛsɛ wonu ye.”

Aiseya 41:7

Kɔlɔma-lɛsɛlɛ ye a fɔla siyaki ye ko, ‘Wo ara bɛn.’ Min bi sɛnɛ nɔrɔla bɛsɛ ma, wo ye a gbangbannɛ matɔgɔla. Kɔlɔma-lɛsɛlɛ ye a fɔla sɛnɛ-tatugulɛ ma ko, ‘Ila wɔlɛ wo ara bɛn gbetu!’ Wo kɔma, a si bɛsɛ wo gbangban kan tinɛ do rɔ anu dɛnbɛn-koe la a ti bui kan min.”

Aiseya 44:17

Kɔnɔ a si kɔlɔma wo toe ma bɛsɛ la. A si a nyɛnkin wo kɔrɔ ka a kɔ. A si a fɔ wo ye ko, “Nta alla le ile la, i yandi, n nakisi.”

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 10:11

Mari ko bɛsɛ wonu ma san-kole anubɛ dugu-kole ladan, ado anu si tinya ka tunu dugu-kole rɔ.

Yɛrɛmaya 16:20

Hadama-dan si ke bɛsɛ ladanna a nyɛrɛ ma, wa? Ɔn, kɔnɔ Alla ma bɛsɛ wonu na.”

Daniyɛli 11:8

A si ta anuna bɛsɛnu na. Sɛnɛ anubɛ wodi-gbɛ-miran minnu dantɛgɛnɛ bɛsɛ wonu ma, a si ta wonu na fanan. Ni yisi-kimɛ taranta san kurun kɔrɔ,

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Hoseya 8:6

Isirɛla boloma-wɔli-kɛlɛ do le ya turɛ wo ladan dɔrɔn. Nde, Alla ma wo la. Tura-danla muninyɛ wo ra si mɔsɔkɔn-mɔsɔkɔn.

Kalesiya 4:8

Yanni wole sibolo-gbɛrɛ ni ma Allatɛ la tumɛ min, wo taranta yɔɔnyɛ la wonu sɛnbɛ kɔrɔ, Alla ma minnu na.