Aiseya 37:12 - ALLALA KUMƐ

¹² N benbanu ya Koson kɛnu nɔ anubɛ Hɛran kɛnu anubɛ Resɛfu kɛnu anubɛ Idɛn kɛnu minnu bi Tɛlasa nyamanɛ rɔ, ado wonuna bɛsɛnu ma ke anu kunkala n benba wonu bolo.

Aiseya 37:12 ပူးပေါင်းရင်းမြစ်များ

Ko-Dabirɛnu 11:31

Tɛra ya ala dan Burama anubɛ wola musi Sirayi bi. A ya a mamanɛ, Hɛranna dan Lɔti fanan bi. Anu wulita Yuri soe burɔ Babilɔn nyamanɛ rɔ ka Kenan nyamanita-kilɛ bira. Kɔnɔ anu kera Hɛran soe burɔ tumɛ min, anu ya anu daga makɛ nyɔ.

Ko-Dabirɛnu 11:32

Tɛra siyi-tele bɛnta san kɛmɛ fila ani san loli (205) ma, a nara to fagala Hɛran soe burɔ.

Ko-Dabirɛnu 12:14

Burama kera Iyipiti tumɛ min, Iyipiti mɔgɛnu ya musi wo yen nkɛkuna, anu yɛ bɔra a la.

Ko-Dabirɛnu 2:8

Wo kɔma, Mari Alla ya nakɔɛ labɔ kan tinɛ do rɔ min tɔgɛ Idɛn. Wo ye tele-bɔɛ wara la. A ya kei min dan, a ya wo sigi nakɔɛ wo rɔ.

Ko-Dabirɛnu 28:10

Yakoba bɔra Biri-Siba soe burɔ ka Hɛran-so-kilɛ bira.

Ko-Dabirɛnu 29:4

Yakoba ya saga-fɛ-biralɛ donu taran nyɔ. A ya anu manyinika ko, “N bɔnu, wole bɔra mintɔ?” Anu ya a yabi ko, “Male bɔra Hɛran soe le tɔ.”

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:11

Wo kɔma, Asiriya mansɛ wo tara Isirɛla mɔgɛnu na birɛ rɔ a warɛ nyamanɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 19:12

N benbanu ya Koson kɛnu nɔ anubɛ Hɛran kɛnu anubɛ Resɛfu kɛnu anubɛ Idɛn kɛnu minnu bi Tɛlasa nyamanɛ rɔ, ado wonuna bɛsɛnu ma ke anu kunkala anu benba wonu bolo.

Aiseya 36:18

A ko wo kana a ma, Hɛsakaya kɛ ni wo mayuwaya ka wo miri ko Mari si wo kisi le. Sibolo-gbɛrɛkɛ do ye nyɔ rɔ minnuna bɛsɛ ara anuna nyamanɛ kunka Asiriya mansɛ bolo?

Aiseya 36:19

Mala mansɛ ko Hamati kɛnu anubɛ Arapadi kɛnuna bɛsɛnu bi mintɔ gbɛ? Sifafeyim kɛnuna bɛsɛnu bi mintɔ? A ko bɛsɛ kɛ do kera Samariya soe kunkala, wa?

Aiseya 36:20

A ko fanan, bɛsɛ kɛ do-wo-do ma ke ala nyamanɛ kunkala a ma. Nfenna wole mirinɛ ko ‘Mari’ si Yerusalɛm soe kɛ kunka a bolo?”

Aiseya 37:13

Hamati kɛnuna mansɛ ye mintɔ? Arapadi kɛnuna mansɛ ye mintɔ? Sifafeyim kɛnuna mansɛ ye mintɔ? Hena kɛnuna mansɛ ye mintɔ? Ifa kɛnuna mansɛ ye mintɔ?”

Isikiyɛli 27:23

Hɛran soe wo, Kanɛ soe wo, Idɛn soe wo, Siba yilanu wo, Asuri soe wo, anubɛ Kalimadi soe wo, wonubɛ Taya kɛnu ya yilayɛ kɛ anu nyɔgɔn tɛma.

Isikiyɛli 28:13

A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Emɔsi 1:5

A ko a si Damasika tara-dɛ keri. A ko a ye nala mɔgɛ wonu gbenna minnu bi Efɛn lɛɛ rɔ anubɛ wola kun-tigi min bi Bɛti-Idɛn soe kun na. Mɔgɛ donu si na bui Siriyanu ma ka ta anu na Kira nyamanɛ rɔ.” Filisitinu

Kɛwɔlɛnu 7:2

Sitifen ya a yabi ko, “N fanu anubɛ n na-kelen-nyɔgɛnu! Wo ni wo wɔlɔ matɔlɔ n kan la! Yanni ma benba Iburayima ni ta sigi Haran soe burɔ, a siginɛ Mɛsapotemiya nyamanɛ rɔ nun, mata Alla-makawanɛ nyɛrɛ bɔra gbɛ rɔ a ye kan min.