Aiseya 36:22 - ALLALA KUMƐ

²² Ilayakim anubɛ Sɛbana anubɛ Yowa ya anuna durukinu tafara yisi-tinya bolo. Kandɛ ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

Aiseya 36:22 ပူးပေါင်းရင်းမြစ်များ

2 Mansɛnu 18:18

Anu ya Mansa Hɛsakaya kele nyɔ rɔ. Helikayala den Ilayakim min bi mansɛla bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ Esafila den Yowa min bi kɛdi-sɛbɛnɛnu-namarala, ale Mansa Hɛsakaya ya ala mɔgɔ-ba sawɛ wonu nata anu ma.

2 Mansɛnu 5:7

Isirɛla mansɛ wo ya kɛdi wo karan tumɛ min, a ya ala duruki rafara yisi-tinyɛ bolo. A ya a fɔ ko, “Siriya mansɛ kɛ mirinɛ ko kiraya-dandannɛ le nde la, wa? A miri le ko Alla le nde la, wa? Sɛnbɛ ye nde bolo ka mɔgɔ faga anubɛ ka furi niyi bila a rɔ? N bara a lɔn kɛ le ma ko n kɛlɛ-sɔgɛ ara a bira.”

Ɛsira 9:3

Kuma sufa kɛ lamɔɛn n bolo, n ya nna duruki rafara n kan na ka n kun-sigi anubɛ n buyɛ mawurun yisi-tinya bolo. N yisi-tinyanɛ ya n sigi dugi ma.

Aiseya 22:15

Ma Tigi Mari Sɛnbɛ-Bɛɛ-Tigi ya a fɔ n ye ko n ni ta mansɛla fen-fɛ-biralɛ wara, min tɔgɛ Sɛbana. A ko n ni a fɔ a ye ko,

Aiseya 22:20

“Wo wa ma tumɛ min, ale Mari ko a si kilayɛ lata Helikayala den Ilayakim ma ko a ni na.

Aiseya 29:2

Alla si kasarɛ lana soe kɛ ma mɔgɛnu bi min kelela ko, “Allata saraka-mintan-tinɛ.” Di-kɛ anubɛ gbele-gbelan si taran ile rɔ. Soe mumɛ bɛɛ si ma iko saraka-mintan-tinɛ min yamatogonnɛ yele la.

Aiseya 33:7

Hali kerintenu si keleli kɛ anu dɛnbɛn-koe rɔ. Hali nyamani-yɛ minnu bi yisi-kimɛ lanala nun, wonu ya-yi si to yigila biribiri!

Aiseya 36:11

Wo kɔma, Ilayakim anubɛ Sɛbana anubɛ Yowa ya a fɔ Asiriyanu mansɛla kandɛ wo ye ko, “I yandi, kuma ma ye Aramaki-kan rɔ. Ma si wo ragbɛ le. I kana kuma ma ye mata Hiburu-kan rɔ alako minnu bi tarɛ kuma san ma, wonu kana na ma kan ragbɛ.”

Aiseya 36:3

Helikayala den Ilayakim min bi mansɛla-bolon-mafɛlɛnna wo, Sɛbana min bi ala kɛdi-sɛbɛla wo, Esafila den Yowa min bi kɛdi-sɛbɛnɛnu-namarala wo, wonu tara a taran yi dɛ la nyɔ. Yuda kɛ le mɔgɔ sawɛ wonu na.

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Matiyu 26:65

Saraka-masɔla-kun-tigi-wɛ ya wo lamɔɛn tumɛ min, a ya ala duruki rafara diminyɛ bolo. A ko, “Tanama-kumɛ le kɛ la! Ma mako sa sereya-gbɛrɛkɛ la tun mumɛ! Wo ara ala kuma-yogomɛnu namɔɛn yan tɔ! Nba, kumɛ dan le wo la!