Aiseya 35:6 - ALLALA KUMƐ

⁶ Namarɛnu si anu gban iko minan-dan. Bobenu si anu dɛ sa-a-rɔ sewɛ bolo. Yi-mɛsɛmɛnu si tugu dugu-gbalanɛ rɔ.

Aiseya 35:6 ပူးပေါင်းရင်းမြစ်များ

Nihɛmaya 9:15

“Kɔnkɛ ya anu bira wati min, i ya biredi layigi anu ma ka bɔ san-kole rɔ. Anu kan lagbalata wati min, i ya yi labɔ anu ye farɛ rɔ. I ya anu yili-madiya nyamanɛ minna ko la, i ya a fɔ anu ye ko anu ni nyɔ bi.

Yaburi 107:35

Wo kɔma, a ya kɛnkɛn-dugi yɛlɛman yi-kundi-dan-natɛgɛnɛnu na. A ya dugu-gbalanɛ yɛlɛman tenke gbansannu na.

Yaburi 46:4

Mɔgɛnu bi Alla batola soe min tɔ, bɛ do ye nyɔ, wo ye nala sewala mɔgɛnu na nyɔ rɔ. Alla Min Bi Fan Bɛɛ Kun Na, wo mayiginɛ ata bon-sɛnimɛ la.

Yaburi 51:15

E, n tigi, ni i ya n dɛ fulen, n si i matɔgɔ ka i tanto.

Bɔ-Koe-Iyipiti 17:6

N si sɔ i yarɔ farɛ kuma Sinayi kɔnkɛ kɔrɔ. I wa farɛ wo gbesi tumɛ min, yi si tugu a rɔ alako mɔgɛnu ni anu min.” Musa ya a ma wo nya Isirɛla mɔgɔ-banu yala. (Mɔgɛ bɛɛsi nara wo kɔma ka anu min.)

Aiseya 30:25

Wo wa wo yogenuna kan-tina-latankanɛ wonu bira ka wo yogenu faga, wo kɔma, tenkenu si tugu-a-rɔ kɔnkɔ-wɛnu tɔ belenna.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 32:4

Anu si anu muin mɔgɛnu kɔrɔ ka hɛnkilimaya-koenu nadan. Anu si kusanya kumɛ manunkula.

Aiseya 35:1

Wula-da-rakolɔn si sewa. Nyɔ-bagɛnu si fere.

Aiseya 42:11

Kɛn-dugi nyamanita-mɔgɛ bɛɛ ni Alla matɔgɔ! Wole Kida kɛnu, wo ni a matɔgɔ! Wole minnu siginɛ Sela soe burɔ, wo ni wo dɛ sa-a-rɔ sewɛ bolo kɔnkɛnu kuma!

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 48:21

Mari ye wole, ala mɔgɛnu natenbila wula-da-rakolɔn rɔ tumɛ min, anu kan na ma gbala mumɛ! A ya yi latugu farɛ rɔ wo ye. A ya farɛ ratii nya min wo, yi tugura a rɔ le.

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Sakaraya 14:8

Wo wati wa ke, yi-kura si dugi punsɔgɔ Yerusalɛm soe burɔ ka fara fila la. A tɔnkɔn doi si ta a labila Dalɛ Faganɛ ma. A tɔnkɔn doi fanan si ta a labila Mɛdetereniyan kɔgɔ-yi ma. Sama, telema, a ye yigila le dɛɛ!

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Yilan-Yilan Koe 20:11

A banta kumɛ kɛ fɔla tumɛ min, a ya Arunala sewuri wo layɛlɛ a kun tɛma ka farɛ wo gbesi wo la iko fila dɛgɛdɛgɛ! Kaka wo rɔ, yi tugura a rɔ. Mɔgɛ min bɛɛ ye nyɔ, anubɛ anuna kolo-fannu, wonu damasi ya anu min yi wo la ka wasa.

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 12:22

Nba, mɔgɛ donu nara kei do la Yisa wara. Fiyɔn le. A ti ke kumala fanan bawo nyinatoe le. Yisa ya a lakɛndɛya min kɛ, a wulita kumala anubɛ a yɛ lakara ka fen-yen kɛ fanan.

Matiyu 21:14

Fiyɔnnu anubɛ minnu bi anu tonkanna, wonu nara a wara Alla-Bato-Bɔn la. A ya wonu nakɛndɛya.

Luka 1:64

Wo wati nyɛrɛ rɔ, Sakaraya nagan lafulenta, a kera kumala tun. A ya Alla tantoe dabira.

Luka 11:14

Lunyɛ do, Yisa ya nyinɛ gben kei fɛ min ya a boboya, ado nyinɛ bɔra a fɛ tumɛ min, kei wo wulita kumala. Nyama kawara.

Kɛwɔlɛnu 3:2

Kei do ye nyɔ min namarayanɛ kebi a sɔrɔnta. Tele-wo-tele, anu si ta a la Alla-Bato-Bɔn tenbi-bolɔn wo la min tɔgɛ ko, “Da-Kinyanɛ.” Minnu bi donna Alla-Bato-Bɔn la, a kɛnɛna wonu matarala wodi ma.

Kɛwɔlɛnu 8:7

Nyina-yogomɛnu bɔra gbele-gbelenna mɔgɔ siyaman fɛ. Mɔgɔ fɛrɛ-faganɛ anubɛ namarɛ siyaman fanan kɛndɛyara.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.