Aiseya 35:5 - ALLALA KUMƐ

⁵ Fiyɔnnu si fen yen. Tolo-gberenu si ko lamɔɛn.

Aiseya 35:5 ပူးပေါင်းရင်းမြစ်များ

Yobu 33:16

Wonu si a ma, anu ni anu tole masɔ Allata kumɛnu na. Makawandilɛ wonu si a ma, anu ni kilan,

Yaburi 146:8

A si fiyɔnnu yɛ laka. A si mɔgɔ-buinɛnu nasɔ. Telenbagɛnu di Mari ye.

Bɔ-Koe-Iyipiti 4:11

Mari ya a fɔ a ye ko, “Yon ya mɔgɔ dɛ ladan? Yon si mɔgɔ ma bobe la? Yon ya mɔgɔ tole ladan ko a ni ko lamɔɛn? Yon si mɔgɔ tole gbere? Yon ya mɔgɔ yɛ ladan ko a ni fen yen anubɛ ka a lafiyonya? Nde, Mari le si wonu ma.

Hɛnkilimaya-Kumɛnu 20:12

Mari ya tole di ma ma alako ma ni ko lamɔɛn. A ya yɛ fanan di ma ma alako ma ni fen yen.

Aiseya 29:18

Wo tele wa ke tumɛ min, tolo-gberenu tole la si ka ka kɛdi wo karan-kan lamɔɛn. Fiyɔn min bara mɛ a bolo mɛmɛla pinpi rɔ, wonu yɛ la si ka ka fen yen.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 42:18

Mari ko, “Wole tolo-gberenu, wo ni wo tole masɔ n na. Wole fiyɔnnu, wo ni wo yɛ lana.

Aiseya 43:8

Alla ko ata mɔgɛ bɛɛ ni kundɛn kan-tina-kelen. Anu yɛ makanɛ kɔnɔ anu ti fen yen. Tole ye anu bolo kɔnɔ anu ti ko lamɔɛn.

Aiseya 48:8

A ko ale nyɛrɛ ya a lɔn ko a ti ke lala wole la. A ko wo dama manɛ mɔgɔ-murutiyanɛnu na a yala. Wo le ya a to, wo ma ko-kurɛ kɛnu namɔɛn nun.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Aiseya 50:5

Ma Tigi Mari ara ko-kɔrɔ-lɔn di n ma. N ma murutiya a ma. N ma n kan-kɔ sɔ a la.

Yɛrɛmaya 6:10

N si kuma yon na? N si yon makawandi? Yon si a tole masɔ n na? Wole Yuda mɔgɛnu bara wo tole gbere. Wo ti sɔn wo tole masɔla nna makawandili-kumɛnu na. Marita kumɛ ma di wo ye. Wo ti sɔn wo tole masɔla a la muk!

Matiyu 12:22

Nba, mɔgɛ donu nara kei do la Yisa wara. Fiyɔn le. A ti ke kumala fanan bawo nyinatoe le. Yisa ya a lakɛndɛya min kɛ, a wulita kumala anubɛ a yɛ lakara ka fen-yen kɛ fanan.

Matiyu 21:14

Fiyɔnnu anubɛ minnu bi anu tonkanna, wonu nara a wara Alla-Bato-Bɔn la. A ya wonu nakɛndɛya.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Yɔni 11:37

Kɔnɔ donu ko, “Ale le ma fiyɔn yɛ laka nun? A ti ke a mala nun ko Lasarasi fanan kana faga?”

Yɔni 9:39

Yisa ko, “N nara duninya kɛ rɔ ka dan-nafarɛ yira mɔgɛnu tɛma. Fiyɔn yɛ la si ka, ado minnu mirinɛ ko anu yɛ lakanɛ, wonu si fiyonya.”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”