Aiseya 35:4 - ALLALA KUMƐ

⁴ Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 35:4 ပူးပေါင်းရင်းမြစ်များ

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

Yaburi 116:11

Hali n kumakɔnɛ tumɛ min, n ko, “N ti la mɔgɔ-wo-mɔgɔ la fɔ Alla kelen pe.”

Yaburi 145:19

Makolamɛ minnu bi a gbiliyala, a si wonu makoe nyinya. A si anu di-kɛ-kan lamɔɛn ka anu kisi.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 94:1

Mari, Alla le ile la min si karagbɛlɛnu tɔrɔ. Ita fondo-bɔɛ yira anu na.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 31:5

Mari si to firifirila Yerusalɛm kuma ala mɔgɛnu kandan tinɛ iko kona ye firifirila ala dannu kuma nya min.

Aiseya 32:4

Anu si anu muin mɔgɛnu kɔrɔ ka hɛnkilimaya-koenu nadan. Anu si kusanya kumɛ manunkula.

Aiseya 33:22

Fenfen ma kulun-matelen-fannu na. Kurɛ min si kulɔn lata, wonu ta ma fulen. Ma si ma yogenu bolo-fannu toronde anu na. Wo si siyaya ma bolo, hali namarɛnu si do sɔrɔn anu tɔ. Mari nyɛrɛ si ma mala mansɛ la. Ale si ma lamara ka ma lakanan.

Aiseya 34:8

Mari si ata kɔnkɔ-sɛnimɛ lakanan wati kɛ le tɔ ka ala mɔgɛnuna yili sara anu yogenu na.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 37:6

nde fanan ya n sara Mansa Hɛsakaya wara. N ko, “Ni Asiriyanu bi a fɔla ko Mari ti ke anu kisila, hali kumɛ wo ma a rakilan.

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Aiseya 49:25

Mari ko wo ye nala mala le yati! Mɔgɔ-biranɛ si a porokɔlɔ kɛlɛ-nyana bolo. Kɛlɛ-dannu ya min bi kɛlɛ kuma, wo si toronde anu na. Mari ko mɔgɔ-wo-mɔgɔ ya ile Yerusalɛm kɛlɛ, ale fanan si wo tigi kɛlɛ. A si to ila dannu kunyɛ bɔla gbaran rɔ.

Aiseya 49:4

Kɔnɔ nde ko n bara wɔli-gbɛlɛmɛ kɛ fu! N bara n sɛbɛ don kɔnɔ n ma ko-bɛrɛ yen a rɔ. Fɔ Mari, wo le si nna wɔlɛ tɔnɛ yen. Alla si n barayi nna wɔlɛla ko la.

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Aiseya 7:4

A ko n ni a fɔ mansɛ ye ko a kana kilan. A yisi ni kimɛ poi! A ni a yɛ bɛn Alla ma. Mansa Risen anubɛ ala Siriya kɛlɛ-dannu wo, anubɛ Mansa Peka wo, a ko wonuta yisi-bɔ-masibɛ ma yogo ka ke sɔgɔ-kundu fila sisi rɔ.

Daniyɛli 10:18

A ya a bole tugun n na tun. N tagbɛlɛyara.

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Hegayi 2:4

Ile Sarababulu, i kana hɔn. N bi i fɛ. Saraka-Masɔla-Kun-Tigi-Wɛ Yasowa, i sɛbɛ don. Wole Isirɛla mɔgɛ bɛɛsi, wo ni wo sɛbɛ don ka wo raya.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Luka 21:28

Koe kɛnu da wa bira tumɛ min, wo ni wo sɔ gben! Wo ni wo kunyɛnu nasɔ bawo wo kisi-tumɛ ara gbɛrɛn.”

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 22:20

Ale min bi koe kɛ bɛɛ sereyɛ bɔla, wo ye a fɔla ko, “Tonyɛ le serr! N bi nala tiriya!” Alamɛ a mara wo nya na le. Na, Mari Yisa!

1 Samuwɛli 23:17

Yonatan ya a fɔ Dawuda ye tun ko, “I kana kilan. N fa ti ko-wo-ko ma i la. A ya a lɔn serr, ko ile le ye mala Isirɛla mɔgɛnuna mansɛ la, ado a ya a lɔn fanan ko nde le ye mala ila kandɛ la.”