Aiseya 35:10 - ALLALA KUMƐ

¹⁰ Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 35:10 ပူးပေါင်းရင်းမြစ်များ

Yaburi 107:2

Wole min bɛɛ ara kisi, wo ni to kumɛ kɛnu fɔla Mari matɔgɔ tinɛ tun tun! Ale le ya wo lakanan wo yogenu ma

Yaburi 126:2

Ma yɛlɛnta ka siginu sa kati! Wo kɔma, sibolo-gbɛrɛnu ya a fɔ ko, “Mari le wara ko-makawani-siyaman kɛ kɛnu ye kati!”

Yaburi 126:5

Minnu si fen-fuyi kɛ yisi-tinyɛ rɔ, wonu denu si fen-tɛgɛ-kɛ sewɛ rɔ.

Yaburi 14:7

N ya madiyali kɛ n sɛbɛ-kuna-wɛ la. N ko Mari min siginɛ Yerusalɛm soe burɔ, wo ni ata Isirɛla mɔgɛnu kisi. Ni Mari ya a ma, Isirɛla mɔgɛnu ni ma-a-la tun iko anu bi nya min nun fɔlɔ, anu si sewa wo rɔ dɔgɔma-ma-de!

Yaburi 51:8

Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Aiseya 1:27

Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 30:19

Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Aiseya 35:2

Wulɛ wo si sigi sa ka sarandɛ ratii sewɛ bolo. Nyɔ si kinya iko Lɛbanan kɔnkɛnu. A dugi si kinya iko Kamɛli kɔnkɛ anubɛ Sarɔn lɛɛ ye nya min. Mɔgɛ bɛɛ si Marita fanka anubɛ ata gbiliyɛ yen nyɔ.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 60:20

Yili si kiri ita diminya-dan la. Ale Mari si ma ita wan-takanɛ la tolon! Wo si a laban ka tenbi tele anubɛ karɛtɛ la.

Aiseya 61:7

Wola miliyɛ si a laban wo bolo fen-tigiya-wa-belebele ma. Fen-tigiyɛ wo si a ma, wo ni sewa-belebele-wɛ kɛ. Mari si wola nyamanɛ kɛ nyɔgɔn fila di wo ma tun. Tɛtɛgɛ-wo-tɛtɛgɛ ti taran wola sewɛ la muk!

Aiseya 65:18

Ka a tɛgɛ ko-kurɛ wonu ma, ala mɔgɛnu si to sewala. A si Yerusalɛm ladan alako a la ni fa sewɛ la. A si a ma, ala mɔgɛnu fanan ni sewa.

Aiseya 65:19

Ale fanan si sewa Yerusalɛm na. A si sewa ala mɔgɛnu na. Mɔgɔ-wo-mɔgɔ ti yisi-magboyɛ anubɛ di-kɛ-kan lamɔɛn nyɔ rɔ tun.

Aiseya 9:3

E, Mari, i wara anu sewa-koe kɛ anu ye. I wara min ma anu ye, wo ara a ma, anu bara nyagalen dɔgɔma-ma-de iko fui-fen-tɛgɛlɛnu. Ni wo ma, iko kɛlɛ-dan bi fan minnu sɔrɔnna kɛlɛ rɔ, anu tenbi wonu farala.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

1 Timoti 2:6

Ale le ya a nyɛrɛ niyi ni ko mɔgɛ bɛɛ ni hɔrɔya. Ata sayɛ le ya a mayira a wati-latɛgɛnɛ rɔ ko Alla ye a fɛ, bɛɛ ni kisi.

Yude 1:21

Wo ni to Allala keninteyɛ rɔ. Wo ye ma Mari Yisa, Allata-Mɔgɔ-Yabɔnɛ makɔnɔna alako a ni habadan-nimayɛ di wo ma ala kinikini-wɛ fɛ.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”