Aiseya 34:7 - ALLALA KUMƐ

⁷ Mɔgɛnu si to buila iko ninki-feremɛ anubɛ tura-bulan si bui nya min bosoli-kɛlɛnu bolo. Anu yele si dugi wo wulen. Anu kɛɛn si nyɔ yamatogon.

Aiseya 34:7 ပူးပေါင်းရင်းမြစ်များ

Yaburi 22:21

N bɔ yarɛ kɛnu bolo. N dɛnbɛna sa tura-feremɛ kɛnu tɛma.

Yaburi 68:30

I ni Iyipiti makuma min nyɛɛnɛ iko yi-mɛlɛ tenbi sɔnfɔn-kurinu tɛma. I ni sibole doinu makuma minnu nyɛɛnɛ iko turɛnu bi mɔgɛnu tɛma nya min. Anu makuma ha anu ni anu sa i kɔrɔ ka wodi-gbɛ ma anu madiyali-kɛ-fan la. Kɛlɛ di minnu ye, i ni wonu tanyɛnsɛn.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Aiseya 63:6

A ko a diminya-belebele kera wati min, a ya sibolenu tatɛntɛn. A ya anu yele-kuran-kuran rawuya dugi ma.

Yɛrɛmaya 25:34

Wole kun-tigi minnu bɛnta ka ma Marita mɔgɛnu kandannɛ la, wo ni sɔnkɔ di-kɛ-tinɛ. Wo ni di ka wo forongbesi gbangban rɔ. Wo ratii-tumɛ ara ke. Anu si wo ratii iko bɔnku-dagɛ wa fɛrɛn dugi la.

Yɛrɛmaya 46:21

Hali ala kɛlɛ den sannɛnu, wonu tafagani de iko ninki-dan sɔrɔn-san. Anu fenfen ma ke kɛlɛ rakɔnɔna fɔ ka anu buri. Anu kasara-tele ara na. Anu tinya-tele ara ke.

Yɛrɛmaya 50:11

Mari ko Babilɔn kɛnu bara bui ala nyamanɛ ma ka a raku. A ko anu sewanɛ iko ninki tenbi kala-nɔrɔn rɔ. Anu nyagalennɛ iko soee wa ke gbere-kole ma.

Yɛrɛmaya 50:27

Anu ni Babilɔn kɛlɛ-dan damasi kan natɛgɛ. Gbalo ye Babilɔn kɛnu ma. Anu kasara-wati ara ke.

Isikiyɛli 32:6

N si a yele rawuya furr, ha a ni ma gboron-gboronna-yi la kɔnkɛ bɛɛ ma.

Isikiyɛli 39:17

N Tigi Mari ya a fɔ n ye ko, “Ile hadama-dan, i ni konanu anubɛ firarɔ-sogenu kele alako n bara sarakɛ min bɔ anu ye, anu ni na wo dɔn-tinɛ. Wo si ma ladiya-ba la anu ye Isirɛla kɔnkɛnu tɔ. Anu si to soge dɔnna ka a yele min.

Isikiyɛli 39:18

Anu si kɛlɛ-dannu anubɛ duninya kun-tiginu suyi dɔn ka anu yele min iko saga-yigi min bi sarakayɛ la, ni wo ma, saga-dan, ni wo ma, baa, ni wo fanan ma, ninki-tɛgan.

Yilan-Yilan Koe 23:22

Alla nara anu denu na ka bɔ Iyipiti. A ye kɛlɛ kɛla anu ye iko sigi-dalamɛ.

Yilan-Yilan Koe 24:8

Alla ya anu nabɔ Iyipiti. A si kɛlɛ kɛ Isirɛla mɔgɛnu ye iko sigi-dalamɛ. Anu si anu yogenu faga ka anu kolenu takeri ka anuna kalabɛnnu takerikeri.

Tɔn-Fɔɛ-Fila-Nyɔgɛ 33:17

Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”