Aiseya 34:6 - ALLALA KUMƐ

⁶ Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Aiseya 34:6 ပူးပေါင်းရင်းမြစ်များ

2 Samuwɛli 1:22

Yonatan kusan kalabɛn lakɛla, ado ni a fa Sɔlila faan ye a bolo, a ti kinikini mɔgɔ-wo-mɔgɔ ma. Anu kɛnɛna anu yogenu fagala hali minnu makilannɛ.

1 Ko-Kɔrɔta-Karan 1:44

Mansa Bela tenbira tumɛ min, Serahala den Yobabu wo sigira a gbɛ rɔ. Wo bɔra Bɔsira soe burɔ.

Yaburi 137:7

E, Mari, Idɔm kɛnu ya min ma, Yerusalɛm birara tele min na, i fonde lamiri wo ma. Anu tora a fɔla ko, “Wo ni soe tii mɛmɛ ka anubɛ dugu-kole rakɛnya.”

Aiseya 29:2

Alla si kasarɛ lana soe kɛ ma mɔgɛnu bi min kelela ko, “Allata saraka-mintan-tinɛ.” Di-kɛ anubɛ gbele-gbelan si taran ile rɔ. Soe mumɛ bɛɛ si ma iko saraka-mintan-tinɛ min yamatogonnɛ yele la.

Aiseya 34:5

Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Aiseya 63:3

Mari ko ale le kelen pe ya sibole wonu tatɛn iko nɔnbɔ-gbɔɛ. A ko sibolo-wo-sibolo ma a dɛnbɛ anu tatɛntɛnna. Ata fondo-bɔ-belebele le ya a ma, a ya anu nunku a tontɛ la. A ko ala duruki ara wulen mɔgɔ kɛnu yele-kuran la.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Yɛrɛmaya 12:12

Kɛlɛ-den-siyaman si tenbi kɔnkɔ-manunkunɛ wonu ma. Nde, Mari si a ma, kɛlɛ-dan wonu ni nyamanɛ wo tɔrɔ. Ka a bi nyamanɛ-dan doi ma ka a sigi a dan doi la, anu si mɔgɛ wo bɛɛ tɔrɔ. Mɔgɔ-wo-mɔgɔ ti kisi.

Yɛrɛmaya 25:34

Wole kun-tigi minnu bɛnta ka ma Marita mɔgɛnu kandannɛ la, wo ni sɔnkɔ di-kɛ-tinɛ. Wo ni di ka wo forongbesi gbangban rɔ. Wo ratii-tumɛ ara ke. Anu si wo ratii iko bɔnku-dagɛ wa fɛrɛn dugi la.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Yɛrɛmaya 49:13

Mari ara a keli ko mɔgɛ min ba Bɔsira soe tinya-nya yen, wo yisi si tinya bawo a ara ma wula-da-rakolɔn la. Anu si nyɔ-tɔgɛ rakele dankali-kɛ-tinɛ. Nyɔ-dafɛ-so-mɛsɛnu si to tonbonyɛ la tolon! Mari kan le kɛ la.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Yɛrɛmaya 50:27

Anu ni Babilɔn kɛlɛ-dan damasi kan natɛgɛ. Gbalo ye Babilɔn kɛnu ma. Anu kasara-wati ara ke.

Yɛrɛmaya 51:40

Mari ko a si ta anu na anu kan natɛgɛ tinɛ iko kolo-fannu. Mari kan le kɛ la.

Isikiyɛli 21:10

A dɛ lasanɛ mɔgɔ-faga-koe le la. A masusanɛ alako a ni malan-malan iko san-sɛran. Bawo nta mɔgɛnu ya nna makawandili-kumɛ anubɛ tɔrɔyɛ bɔrɔbɔ min kɛ, sewɛ ti taran kan-bo-kan.

Isikiyɛli 35:15

iko anu sewara Isirɛlala buiyila ko la nya min, n halala-nyamanɛ, kɔni. Idɔm kɔnkɔ-nyamanɛ bɛɛ si ma nyamani-kasaranɛ la. Wo kɔma, bɛɛ si to a lɔnna ko Mari le nde la.”

Isikiyɛli 35:8

N si kɔnkɛnu yamatogon furinu na. Minnu kunyɛ tora kɛlɛ rɔ, kɔni, wonu furi ranyɛnsɛnnɛ si to kɔnkɛnu anubɛ lɛɛnu tɔ.

Emɔsi 1:11

“Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Tɔn-Fɔɛ-Fila-Nyɔgɛ 32:14

Wo ya nono-siyaman sɔrɔn wola ninkinu anubɛ wola baanu tɔ. Wola kolo-fannu tɔlɔta ka kɛɛnya. Wola dɛgɛ-munkenu kin kati! Wola baan-yinu tuninyanɛ.

Tɔn-Fɔɛ-Fila-Nyɔgɛ 32:41

Mari ko a si ata faan dɛ lasa alako telenbagayɛ ni to wole anubɛ wo yogenu tɛma. A si wo tayili sara wo yogenu na ka a yogenu tɔrɔ ale ma di minnu ye.