Aiseya 34:5 - ALLALA KUMƐ

⁵ Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Aiseya 34:5 ပူးပေါင်းရင်းမြစ်များ

Yaburi 137:7

E, Mari, Idɔm kɛnu ya min ma, Yerusalɛm birara tele min na, i fonde lamiri wo ma. Anu tora a fɔla ko, “Wo ni soe tii mɛmɛ ka anubɛ dugu-kole rakɛnya.”

Yaburi 17:13

Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

Aiseya 21:11

Sarakanɛ le kɛ la Idɔm kɛnuna ko la. Mɔgɛ do ye n takelela ka bɔ Idɔm nyamanɛ rɔ, a ko, “Ile kila-mafɛlɛnnɛ, wati yili tonɛ gbɛ yanni bandɛ ni ka?”

Aiseya 24:6

Woletɔ Alla ara dugi danka ka mɔgɛnu sara anuta ko-yogomɛla ko la. Minnu bara to anu niyi la, donu bi tola bɔla wonu na.

Aiseya 43:28

Mala mɔgɔ-banu ya a bato tinɛ latinya. Ka a tɛgɛ koe wonu ma, a ya kasarɛ lana male Isirɛla mɔgɛnu kuma. A ya a ma, male ala mɔgɛnu tora yarabiyi rɔ.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Yɛrɛmaya 47:6

Filisitinu bi gbunyala ko, “E, Marita faan, i si to pelen-pelenna ha tumɛ nyamintan? Don i lɛɛ rɔ ka i sulen nyɔ.”

Isikiyɛli 32:29

“Idɔm mansɛnu anubɛ a mɔgɔ-banu fanan bi lakira nyɔ. Fɔlɔ nun, mɔgɔ-makawanɛ le anu na kɔnɔ kaka, anu bara kofu Alla-lɔnbɛlɛ kɛlɛ-dannu ma lakira minnu kunyɛ tora kɛlɛ rɔ.

Isikiyɛli 35:1

Mari ya a fɔ n ye ko,

Isikiyɛli 35:15

iko anu sewara Isirɛlala buiyila ko la nya min, n halala-nyamanɛ, kɔni. Idɔm kɔnkɔ-nyamanɛ bɛɛ si ma nyamani-kasaranɛ la. Wo kɔma, bɛɛ si to a lɔnna ko Mari le nde la.”

Isikiyɛli 35:8

N si kɔnkɛnu yamatogon furinu na. Minnu kunyɛ tora kɛlɛ rɔ, kɔni, wonu furi ranyɛnsɛnnɛ si to kɔnkɛnu anubɛ lɛɛnu tɔ.

Isikiyɛli 36:5

Nde, anu Tigi Mari ara sibolo-gbɛrɛnu makuma n sɛbɛ-kuna-wɛ la, katarala Idɔm ma. Anu buira nna kolo-fannu de-nyini-tinɛnu ma ka wonu bi nna mɔgɛnu bolo bɔrɔbɔnteyɛ anubɛ sewɛ la.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Sɛfanaya 2:12

Mari si a ma, Sudan kɛnu yogenu ni anu halaki.

Malakayi 1:4

Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Tɔn-Fɔɛ-Fila-Nyɔgɛ 32:14

Wo ya nono-siyaman sɔrɔn wola ninkinu anubɛ wola baanu tɔ. Wola kolo-fannu tɔlɔta ka kɛɛnya. Wola dɛgɛ-munkenu kin kati! Wola baan-yinu tuninyanɛ.

2 Pita 2:14

Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.