Aiseya 34:4 - ALLALA KUMƐ

⁴ San-kole si tunu yen, iko gbolo-kolonɛ la wa mini. Tele wo, karɛ wo, lolenu wo, wo bɛɛ si bunden. Lolenu si to yalanna iko toro-gbɔɛ anubɛ a yanbɛ si a ma nya min.

Aiseya 34:4 ပူးပေါင်းရင်းမြစ်များ

Aiseya 13:10

Tɔn si sigi lolenuna malan la. Tele si fin banda-ka-dɛ ma. Karɛ si gbɛ.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 14:12

“Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Yowɛli 2:10

Anu kinta-kan ye dugi layɛrɛyɛrɛnna. San-kole fanan bi yɛrɛyɛrɛnna. Tele anubɛ karɛ si fin. Hali lolenu, anu mɛlan ti yen.

Yowɛli 3:15

Tele anubɛ karɛ si fin wulɔn. Hali lolenu, anu mɛlan ti yen.

Matiyu 24:29

“Tɔrɔyɛ wonu ba tenbi tumɛ min, tele la si fin. Karɛ ti gbɛ. Lolenu si bɔ san-kole rɔ ka bui. San-koletɔ-fannu na si maga ka bɔ anu gbɛ rɔ.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Hiburunu 12:27

Alla wa a fɔ ko, “iko kelen tun,” wo ye a yirala ka a gbɛ ko fan min bɛɛ danta, wonu na si yɛrɛyɛrɛn ka bɔ anu gbɛ rɔ. Kɔnɔ fan minnu ti maga anu gbɛ rɔ, wonu si to anu gbɛ rɔ tolon!

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Lankɛnimayɛ 6:12

Nba, saga-dan ya a li-kɛɛn wɔrɔ nyɔgɛ bɔ gbole wo ma ka a lafulen. N ya wo yen nkɛkuna, dugu-yɛrɛyɛrɛn-ba kɛra. Tele finta iko birinkan-finyɛ. Karɛ yɛlɛmanta ka wulen pui iko yele.

Lankɛnimayɛ 8:12

Wo kɔma, melika nani nyɔgɛ ya ata buri fɛ. Tele faranɛ sigi tina sawa la, wo sigi tina kelan tinyara anubɛ karɛ, a sigi tina sawa nyɔgɛ anubɛ lolenu sigi tina sawa nyɔgɛ. Woletɔ anu ma ke malanna. Tele ma bɔ hawa nani nyɔgɛ kɔrɔ. Karɛ fanan ma gbɛ hawa nani nyɔgɛ kɔrɔ.