Aiseya 34:3 - ALLALA KUMƐ

³ Anu togonna fenfen ti taran. Anu tulinɛ si to sani fɔ anu sumɛ min bi bɔla. Kɔnkɛnu si wulen anu yele bolo.

Aiseya 34:3 ပူးပေါင်းရင်းမြစ်များ

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 34:7

Mɔgɛnu si to buila iko ninki-feremɛ anubɛ tura-bulan si bui nya min bosoli-kɛlɛnu bolo. Anu yele si dugi wo wulen. Anu kɛɛn si nyɔ yamatogon.

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Yɛrɛmaya 22:19

Yerusalɛm kɛnu si i furi sagan dugi la. Anu si a lakɛ a rɔ Yerusalɛm soe tarɛ kɔma iko sofɛlɛ.”

Yɛrɛmaya 25:33

Wati wo, Mari ara minnu faga a fondo-bɔnɛ la, wonu furi-bolokanɛ si to belenna duninya-tonko-nanɛ bɛɛ rɔ. Mɔgɔ-wo-mɔgɔ ti anu di. Anu togonna ti taran. Anu bolokanɛ si to belenna iko ninki-nyɛ.

Isikiyɛli 14:19

“Tumado, n si wuka le latugu anu ma ka mɔgɛnu anubɛ sogenu nato yisi-bɔɛ bolo.

Isikiyɛli 32:4

N si a gbesi dugi la. Kona anubɛ soge min bɛɛ ye duninya rɔ, n si wo bɛɛ kele. Anu ni na a dɔn sa!

Isikiyɛli 35:6

Woletɔ nde, Mari min bi n niyi la, n bara n keli n nyɛrɛ rɔ ko anuna ban le sayɛ la, ado anu ti ke anu kunyɛ bɔla wo kɔrɔ. Anu ya mɔgɛnu faga min kɛ, fagalɛ ti bɔ anu denu denu fɛ.

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Isikiyɛli 39:11

Mari ya a fɔ n ye ko, “Kɛ bɛɛ wa ma tumɛ min, n si kan-tinɛ do di Mansa Kɔginu ma Isirɛla nyamanɛ rɔ, anu si a togon kan min. Anu togon tinɛ wo ye Tagamanɛnuna lɛɛ rɔ min bi Dalɛ Faganɛ tele-bɔɛ wara la. Mansa Kɔgi anubɛ ala kɛlɛ-dannu wa togon nyɔ tumɛ min, anu si lɛɛ wo kele ko, ‘Kɔgila-Kɛlɛ-Dannuna Lɛɛ.’

Isikiyɛli 39:4

Ale Mansa Kɔgi anubɛ ala kɛlɛ-dannu anubɛ a dɛnbɛnɛnu si faga Isirɛla kɔnkɛ wonu tɔ. N si a ma, anu suyi wonu ni ma soge anubɛ konanu beli-fan la.

Yowɛli 2:20

Kɛlɛ-den-siyamɛ minnu nara ka bɔ kantɔ-wara la a ko a si wo doinu kunyɛ lasɛgi a rɔ wulɛ wara la. Kɛlɛ-den yarɔ-sɔlɛ wonu si ta bui Dalɛ-Faganɛ rɔ. Minnu bi kɔma, wonu si ta bui Mɛdetereniyan Kɔgɔ-Yi rɔ. Wonu suyi-suma-titi-wɛ si bɔ. A ko a si kɛlɛ-dan wonu dama kasara tɛrr, ka a tɛgɛ anu bara min ma wo la nun.

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

Nehami 3:3

Wo ni wo yɛ lata so-laburilɛnu ma. Anu bi anuna soeenu naburila wɛ kɛ. I ma a yen? Anuna faannu anubɛ anuna tanbɛnu silɛ ye tiila anu ma. Mɔgɔ ti ban furi minnu dan lɔnna, i ma anu siyamɛnu nadɛnnɛ yen tala anu nyɔgɔn kuma? Mɔgɛnu bi belenna anu kian natugula furi wonu na.

Lankɛnimayɛ 14:20

Anu ya nɔnbɔ-gbɔɛ radɔn soe kɔma. Yele bɔra nɔnbɔ-gbɔɛ radɔn tinɛ wo rɔ. A fara ka yɛlɛ iko bɛ. Ala yanyɛ si mɛli kɛmɛ fila bɔ. A rayanyɛ si nunkan-nya nani bɔ.