Aiseya 34:1 - ALLALA KUMƐ

¹ Wole sibolo-gbɛrɛnu, wo dama ni na ka wo tole masɔ. Mɔgɛ min bɛɛ ye dugu-kole kuma, wo ni na ka wo tole masɔ.

Aiseya 34:1 ပူးပေါင်းရင်းမြစ်များ

Ko-Dabirɛnu 6:13

Alla ya a fɔ Nowa ye ko, “Mɔgɛ bɛɛ lato-wati ara ke kamasɔrɔn duninya bɛɛ fanɛ karagbɛlɛyɛ la. N si mɔgɛ bɛɛ halaki duninya rɔ anubɛ fan min bɛɛsi ye dugu-kole kuma.”

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Yaburi 96:10

Wo ni a fɔ sibole doinu ye ko, “Mari le mansɛ la.” Ale le ya dugu-kole kɛ sigi ka a banban, ado a la ti maga. A si mɔgɛnu kiti telenbagayɛ la.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 18:3

Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Aiseya 33:13

A ko mɔgɛ bɛɛ, a mara wo dafɛ-mɔgɔ la wo, a mara wula-yanna-mɔgɔ la wo, a ara min bɛɛ sigi wole ma, wonu ni wo lamɔɛn ka a lɔn ko fanka-tigi le ale Mari la.

Aiseya 41:1

Alla ko, “Wole wula-yanna-mɔgɛnu, wo ni wo tole masɔ n na. Wo ni wo rabɛn wola kitinu nata-koe la kiti-bɔn la. Wo si fɛrɛ sɔrɔn nyɔ le ka kuma. Ma ni ma ladɛn ka a lɔn ni yoe ye min bolo.

Aiseya 43:9

A ko ma ni sibole bɛɛ kundɛn. Anuna bɛsi-nyamintan si ke sinan-koe fɔla? Ma ye koe min kun na kaka, anuna bɛsi-nyamintan ya wo rakaran nun? Bɛsɛnu fanan ni na anu serenu na alako ma ni a lɔn ko anu yo. Anu ni a fɔ ko anu bara tonyɛ fɔ.

Aiseya 48:16

Wo ni wo madon n na. Wo ni wo tole masɔ kumɛ kɛnu na. (Mari Min Bi Fan Bɛɛ Kun Na, wo le ya nde sɔ ata Sɛnbɛ baraka rɔ.) Kebi wɔlɔyiya-kumɛ kɛ fɔɛ dabirɛ, n sa kumala dogɔn rɔ, ado kumɛ kɛnu sa bɔla a la n kɔma.

Aiseya 49:1

Wole wula-yanna-mɔgɛnu, wo ni wo tole masɔ. Yanni n ni sɔrɔn, Mari ara n yabɔ, bi ko ma. A ya n yabɔ ka n ma ata wɔli-kɛlɛ la. Kebi n bi n na burɔ, Mari ya n tɔgɛ sa.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Yɛrɛmaya 22:29

E, wole Yuda nyamanita-mɔgɛnu! Wo ni wo tole masɔ Mari kan la.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Isikiyɛli 38:17

A ko a ya a fɔ Isirɛla nɛbinu ye nun ko wati ye nala, a si a ma, mɔgɛ do ni na bui ata mɔgɛnu ma. A ko nba, mɔgɛ wo le ale Mansa Kɔgi kɛ la, yɔ! N Tigi Mari kan le kɛ la.

Hɔbadaya 1:1

Mari Sɛnbɛ-Bɛɛ-Tigi ya kumɛ kɛ le fɔ nde, Nɛbi Hɔbadaya ye Idɔm nyamanita-mɔgɛnu wara-koela ko la. Mari ya mɔgɛ do sɔ ka kuma sibolo-siyamɛnu ye, ado ma ara kumɛ wo lamɔɛn. A ko, “Wo ni wo rabɛn ka ta bui Idɔm mɔgɛnu ma.”

1 Kɔrɛnti 10:26

ado iko a sɛbɛnɛ Allata kitabu rɔ nya min ko, “Duninya anubɛ fan min bɛɛsi ye a rɔ, Maritɛ le wo bɛɛ la.”

Tɔn-Fɔɛ-Fila-Nyɔgɛ 32:1

“San-kole anubɛ dugu-kole, nde, Musa ye nala min fɔla, wo ni wo tole masɔ nta kumɛ wo la. Wo ni wo tole masɔ bɛrɛkɛ!

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Kɛlɛ-Kurugbɛnu 5:3

Wole mansɛnu anubɛ wole mɔgɔ-banu, n bi bɛti min bɔla Isirɛla mɔgɛnuta Mari Alla ye, wo ni wo wɔlɔ matɔlɔ bɛti-diyamɛ wo la.

Kɛlɛ-Kurugbɛnu 5:31

“E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.