Aiseya 33:6 - ALLALA KUMƐ

⁶ A si a ma, Yerusalɛm ni sigi yiri! A si wole, ala mɔgɛnu kumafunfan. A si hɛnkili anubɛ ko-kɔrɔ-lɔn di wo ma. Min di wo ye wo dama ko, wo le Allata gbiliyɛ la.

Aiseya 33:6 ပူးပေါင်းရင်းမြစ်များ

2 Mansɛnu 18:7

Mari tora a fɛ. Mansa Hɛsakaya ya koe min bɛɛsi ma, wonu ya a munanfaga. Ale ma sɔn donna Asiriya mansɛta tɔnnu kɔrɔ fɔ a murutiyɛ min kɛra a ma. A sɔra a ye iko tele.

Yobu 4:6

I ya Alla bato, ado fɛɛ sa i la, woletɔ yili-madiyɛ anubɛ yigi ni taran i bolo kɛ rɔ.

Yaburi 140:7

N tigi Mari, n kumafunfanna-wɛ le ile la. I wara n kunyɛ bɔ kɛlɛ rɔ.

Yaburi 28:8

Ile Mari si ila mɔgɛnu nakanan. I si ita mansa-yabɔnɛ kumafunfan ka a lakisi.

Yaburi 45:4

I ni to kɛlɛ kɛla i sɛbɛ-kuna-wɛ la tonyɛ anubɛ telenbagayɛla ko la. I sɛnbɛ si a ma, i ni nɔ-ko sɔrɔn.

Hɛnkilimaya-Kumɛnu 14:24

Hɛnkilimɛ makiri-fan le ala nɔnfuli la kɔnɔ kun-takolɔn si lɔn ata kuntanyɛ fɛ.

Hɛnkilimaya-Kumɛnu 14:26

Ni min kilanta Mari la, wo yili latɛgɛni de, ado anubɛ ala denbayɛ la si fɛrɛ.

Hɛnkilimaya-Kumɛnu 14:27

Ka kilan Mari la, wo si simayɛ di mɔgɛ ma iko tenke min ti gbala, ado kilan wo si a latanka gbɛrɛ ma min si mɔgɛ bira saya-kilɛ ma.

Hɛnkilimaya-Kumɛnu 15:16

Yanni i ni ma nɔnfulu-tigi la, i yakɔrɔ-mamɔnɛ, a fisa worɔ, i ni fen-ni sɔrɔn, i kilannɛ Mari la.

Hɛnkilimaya-Kumɛnu 19:23

Ni min ya Mari gbiliya, wo si simayɛ sɔrɔn ka taran a fanbolo.

Hɛnkilimaya-Kumɛnu 2:5

Ni i ya wo dama ma, i si Mari-yala-kilan-kɔrɛ lɔn, wo kɔma, i si Alla lɔn bɛrɛbɛrɛ-wɛ-kɛ.

Hɛnkilimaya-Kumɛnu 28:2

Ni nyamanita-mɔgɛnu murutiyanɛ, anu si to anuna kun-tiginu mayɛlɛmana. Kɔnɔ ni hɛnkilimɛ ye nyamanɛ kun na, ala mansayɛ si sɛnbɛ sɔrɔn ka mɛ.

Hɛnkilimaya-Kumɛnu 29:4

Ni ko-latelennɛ wara-koe diyara mansa-wo-mansa ye, wola nyamanɛ ra si gbɛlɛya. Kɔnɔ mansa-wo-mansa ya wodi keni, wola nyamanɛ si kasara pɔ!

Makawandili Kumɛnu 7:12

Hɛnkili fanan si ko-nyinya i ma yarɔ ma iko wodi si ko-nyinya mɔgɛ ma nya min. Hɛnkilimayɛ si mɔgɔ-kunyɛ bɔ le nanparan rɔ. Ko-kɔrɔ-lɔn-tɔnɛ le wo la.

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 32:17

Yisi kimɛ anubɛ lafɛrɛ si taran nyamanɛ wo tɛngbɛnya bɛɛ rɔ bawo mɔgɛnu bi ko-telennɛ mala.

Aiseya 32:18

Hɔnyɛ si bɔ Allata mɔgɛnu kan la, bɛɛ si to yisi-kimɛ anubɛ lafɛrɛ rɔ.

Aiseya 33:20

Yerusalɛm so-lafɛrɛnɛ mafɛlɛn, ma ye mala ladiya-sarakɛnu bɔla kan min, nyɔ-sigi di ma ye dɔgɔma-ma-de! Wo si ma iko fani-bɔn min bi a gbɛ rɔ tolon! A balan-yili anubɛ a balan-kɔlɔmanu ra ti maga dɛɛ!

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 51:14

Minnu bi biralɛ rɔ, wonu ti mɛ bolokala tun. Anu si siyi-yan sɔrɔn lafɛrɛ rɔ ka dɔn-fan sɔrɔn duk!

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.

1 Timoti 6:6

Ado nfan, min bi ma bolo, ni wo ya ma wasa, mala dina kɛ si mɔgɛ ma nɔnfulu-tigi la, yɔ!