Aiseya 33:5 - ALLALA KUMƐ

⁵ Mari makawara! A ye mansayɛ la fan bɛɛ kun na. A ya Yerusalɛm lafa telenbagayɛ anubɛ ko-nyimɛ la.

Aiseya 33:5 ပူးပေါင်းရင်းမြစ်များ

Yaburi 118:16

Ata sɛnbɛ ara a ma, ma ara nɔ-ko sɔrɔn. Nɔlɛ sɔrɔnta kɛlɛ rɔ Marita kabana-ko-sɛnbɛ le la!”

Yaburi 123:1

E, Mari, n yɛ bɛnnɛ ile ma. N yɛ bɛnnɛ ile ma Arinyɛni tɔ, i ye mansayɛ la kan min.

Bɔ-Koe-Iyipiti 15:1

Nba, Musa anubɛ Isirɛla mɔgɛnu ya bɛti kɛ bɔ Mari ye ko, “Ma si bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu natuntun Kɔgɔ-Yi-Wulan wo rɔ.

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 28:6

A si kiti-tɛgɛ-hɛnkili di kiti-tɛgɛlɛnu ma. Minnu bi soe tarɛ don-dɛnu kandanna, a si wonu yisi kerinteya alako anu yogenu kana na don.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 32:1

Wati do ye nala, mansɛ si taran min si mɔgɛnu namara telenbagayɛ rɔ. Ata mɔgɔ-banu si to ko-telennɛ mala.

Aiseya 33:10

Mari nyɛrɛ ye a fɔla sibolo-gbɛrɛnu ye ko a si atɛ ma. A ko ale si a yira anu na ala fanka ye nya min.

Aiseya 33:4

Wo si wo yogenu bolo-fannu toronde anu na iko tunbinu bi binyɛnu banna nya min.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 56:1

Mari ya kɛ le fɔ ala mɔgɛnu ye. A ko wo ni don ko-telenni-kɛ rɔ bawo kisi-koe fɛ ma yan wo la tun. Wo kunyɛ si bɔ gbaran rɔ mɔgɛ bɛɛ yala.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 61:11

Iko dugi ye ki-fannu nafɛrɛnna nya min sundi rɔ, Mari si a ma, telenbagayɛ anubɛ tantolɛ ni fɛrɛn sibolenu ya la wo nya na le.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

Romu 3:26

kɔnɔ kaka, a ye mɔgɛnuna hakɛ makotola alako ata telenbagayɛ ni bɔ gbɛ rɔ, ado minnu bara dɛnkɛninya Yisa ma, a ara wo bɛɛ latelen.