Aiseya 33:20 - ALLALA KUMƐ

²⁰ Yerusalɛm so-lafɛrɛnɛ mafɛlɛn, ma ye mala ladiya-sarakɛnu bɔla kan min, nyɔ-sigi di ma ye dɔgɔma-ma-de! Wo si ma iko fani-bɔn min bi a gbɛ rɔ tolon! A balan-yili anubɛ a balan-kɔlɔmanu ra ti maga dɛɛ!

Aiseya 33:20 ပူးပေါင်းရင်းမြစ်များ

Yaburi 128:5

Alamɛ Marita duwɛ yigira wo kuma ka bɔ ata kɔnkɔ-sɛnimɛ rɔ. Alamɛ Yerusalɛm tara yarɔ, wo siyi-tele-bɛɛ rɔ.

Yaburi 46:5

Alla ye soe wo burɔ. Nyɔ ti halaki mumɛ! A si na anu dɛnbɛ sɔgɔma subaga.

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Aiseya 32:18

Hɔnyɛ si bɔ Allata mɔgɛnu kan la, bɛɛ si to yisi-kimɛ anubɛ lafɛrɛ rɔ.

Aiseya 33:6

A si a ma, Yerusalɛm ni sigi yiri! A si wole, ala mɔgɛnu kumafunfan. A si hɛnkili anubɛ ko-kɔrɔ-lɔn di wo ma. Min di wo ye wo dama ko, wo le Allata gbiliyɛ la.

Aiseya 37:33

Nde, Nɛbi Aiseya ya a fɔ Mansa Hɛsakaya ye tun ko, “Mari ara kɛ le fɔ Asiriya mansɛ wara-koe rɔ ko a ti a kunyɛ ladon soe kɛ burɔ. A ko ka kalabɛn kelen bɛrɛn nakɛ soe burɔ yan, wo ti ma tun. Hali ala kɛlɛ-dannu ti gbɛrɛn soe ma tun! Hali ka bɔnkɛ ladɛn tarɛ fɛ anu si yɛlɛ min ma, wo ti ma anu bolo muk!

Aiseya 4:5

Wo kɔma, Mari si banda-fin-gbɛ lana tele rɔ Yerusalɛm kuma anubɛ min bɛɛ ladɛnnɛ nyɔ. Wo si ma ta-mɛlan anubɛ ta-sisi la suyi rɔ. Allata gbiliyɛ si soe yamatogon ka a lakanan.

Aiseya 54:2

I ye fani-bɔn min na, i ni do kofu a ma alako a ni koloya. A balan-yilinu nayanya ka a balan-fannu to sɛnbɛ rɔ.

Aiseya 66:14

Wo wa kɛ damasi rayen wo yɛ la tumɛ min, wo si sewa dɔgɔma-ma-de! Wo si to sabatila iko binyɛ. Marita wɔli-kɛlɛnu si ata sɛnbɛ yen kɔnɔ Mari yogenu si a diminya-nya yen anu ma.

Isikiyɛli 48:35

Tarɛ wola foolɛ bɛnta mɛli wɔrɔ ma. Ka a dabira wati kɛ ma, soe kɛ si to kelela, ‘Mari ye yan.’ ”

Isikiyɛli 48:8

“Dugi min tugunnɛ Yuda bɔnsɔntɛ la, dugu-latankanɛ le wo la. Wo kɔnɛ ni ma mɛli tan. Nyɔ-lɔngbɔn anubɛ Isirɛla bɔnsɔn toetɛ rakɛn de! Bato-Bɔn ye sɔla dugu-latankanɛ kɛ le tɔ.

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.